西九人氣炸雞店分量惹議！食客投訴薯條少+雞翼無味 網民：睇到都好肉酸 店方事後1回應再爆負評…
發佈時間：15:05 2025-08-27 HKT
平日外出吃飯，不少人都會參考網民或美食博主推介的餐廳，不過並非每次體驗都能令人滿意。近日，有網民在社交平台發文，指在深水埗西九龍中心一間炸雞店用餐，該店曾被不少美食博主推介，因此決定「跟風」嚐鮮。不過由於當時固定菜單已售罄，事主接受店主提出以$50購買一份雞翼薯條套餐，惟發現薯條份量比平常少，而且食物質素欠佳，直言「我比$55食其他嘢野唔好？」而店方後來亦有回應事件，其中一點竟令一眾網民大感不滿？
西九人氣炸雞店分量惹議！食客投訴薯條僅得「廿條」+雞翼無味
有網民在社交平台Threads分享在西九龍中心一間炸雞餐廳的用餐經歷，指當日抵達餐廳的時間較晚，固定菜單已售罄，因此店方向事主提出可以$50供應一份雞翼薯條套餐，包括4隻雞翼及薯條，另加$5一杯可樂。然而，當拿到餐點後，事主發現薯條份量偏少，「痴線d薯條大概有廿條，小到咁」，又指炸雞翼幾乎沒有味道，直言「我比$55食其他野唔好？薯條都應該比多幾條啦？賣曬就應該打烊啦」。
事主同時上載YouTuber馬田早前到同一餐廳用餐時的片段截圖，其$57的半份「蜂蜜芥末醬炸雞」套餐包括雞下髀1隻、雞中翼1隻、手工雞寶2件以及薯條，再比較事主的$50餐點份量，認為兩者只差$7，但份量差距頗大。
店方1回應再爆負評 網民：睇到都好肉酸
事件迅速在網上發酵，而店方亦有對事件留言回應，對味道未達到食客要求表示抱歉，又指如客人認為份量少隨時可向店方反映：「抱歉，味道未能達到你要求，再努力啦。如有客人覺得薯條或者任何餐點份量太小可以同我地（哋）講，唔介意免費比多d你地（哋），當然我地（哋）出餐無固定份量，有時就係會比小左（咗）」。
帖文及店方回應引起網民留言討論，有網民表示原本有意光顧該店，但因事主經歷及餐廳的回應而卻步，「原先都想支持下，都係不了間舖嘅對答，kam到」；亦有網民質疑份量差異誇張，「爭7蚊爭一隻（雞）脾（髀）同大半份薯條，下次買係咪可以淨係用7蚊買（雞）脾（髀）同薯條」。
此外，有網民提到餐廳官方回應稱份量「無固定標準」，引來強烈批評：「做飲食，『無固定份量』呢句咁on X嘅嘢都真係有人敢直接講出嚟，你俾多就話姐，而家你俾少呀大佬。」更有網民表示：「老實講咁少薯條，睇到都好肉酸。$57同$50嘅分別洗唔洗咁大」。
與此同時，有網民則分享以往光顧炸雞店時的餐點，認為份量正常，但直言「如果次次要撞手神睇佢心情真係貼錢買難受的」，希望餐廳可以改善。
來源：ritaeatstheworld@Threads
同場加映：九記牛腩又得罪人？馬天佑睇完「老闆剖白」片幫襯 因一杯凍檸茶慘遭「無敵厭惡」對待 網民：咩客都鬧好公道
