港人用IKEA易潔鑊狂黐底疑「唔係所講咁好」曾獲消委會最高評價網民反指做錯2點：呢樣係大忌！

更新時間：14:39 2025-08-25 HKT
發佈時間：14:39 2025-08-25 HKT

消費者委員會早前發表易潔鑊測試報告，其中IKEA一款平底鑊成功獲最高分的5星推介，並在多個項目得到滿分。不過，最近有網民分享入手IKEA易潔鑊後出現「黐底」情況，形容「用咗大概10次就黐成咁」，質疑「究竟係我唔識用易潔鑊，定係隻易潔鑊唔係所講咁好呢？」其後有網友回覆指出，樓主使用易潔鑊的方法出現2大錯誤，更指出1點是用易潔鑊「大忌」，詳情即看下文！

港人用IKEA易潔鑊狂黐底：「又話得到消委會最高推介？」

近日，有網民於社交平台分享，表示早前選用IKEA易潔鑊炒牛肉粒時，竟然出現嚴重「黐底」的情況，慘呻「又話得到消委會最高推介，但係我用咗大概10次就黐成咁」，好奇「究竟係我唔識用易潔鑊，定係隻易潔鑊唔係所講咁好呢？」

樓主在文中交代使用過程，指「出事原因」是源於炒牛肉粒。他指家中電磁爐同屬IKEA品牌，當日先將牛肉粒以胡椒粒、鹽及迷迭香粒調味，然後以大火加入牛油，待牛油溶化後再加入蒜片，再放牛肉粒，惟「炒咗幾下就開始黐底」。

根據樓主上載的圖片所見，其易潔鑊「黐底」情況的確頗嚴重，鑊內超過一半的面積均見到有「黐底」的狀況。

消委會早前曾發表易潔鑊測試報告，測試24款直徑為26厘米或28厘米的易潔鑊樣本，其中IKEA一款售價約$130的國產平底鑊獲最高評分，並在多個項目都得到滿分，甚至高於索價逾千元的款式，性價比甚高。

網民指出做錯2點致出事：大火係大忌！

帖文一出，隨即有不少心水清的網民判斷樓主使用易潔鑊的問題所在！他們不約而同指出，樓主在使用易潔鑊時使用大火已是大忌，「大火係大忌」、「睇到大火二字唔駛諗，死得」、「易潔鑊大火易甩coating（塗層）」、「一睇到大火兩隻字已唔使睇落去，係送個鑊上路」。

另外，樓主「以大火加入牛油」的做法同樣易致燒焦變黑，「我睇到大火，同埋牛油炒，呢兩樣嘢已經⋯⋯難怪你嘅易潔鑊已經魂歸天國」；有網民則提醒，「易潔鑊要凍鑊落凍油，最多只能維持開中火。唔可以單用牛油起鑊，就算俾你用鐵鑊都會燶，要落咗普通油先再加牛油，而用牛油要維持細火，不然都係會燶」。與此同時消委會報告亦曾指出牛油加熱至100°C，當中的水分會蒸發，剩下的奶脂及其他奶類成分很易燒焦變黑，因而產生致癌物。

樓主後來回覆留言指，直言「而家先知道易潔鑊係唔可以開大火」，終明白多年來都是錯誤使用易潔鑊，亦有網民表示，「易潔鑊其實唔易用」。

文：TF

資料及圖片來源：Threads