港人力推西貢手工菜小店！必試黑松露魚/牛肋骨/招牌炒飯食客激讚：水準絕對唔係一兩百蚊之流

更新時間：12:15 2025-08-24 HKT
發佈時間：12:15 2025-08-24 HKT

香港被譽為「美食之都」，不但有世界各地的特色菜餚，隱藏在街頭巷尾的小店同樣令人驚喜。早前，有網民在社交平台發文，大力推介位於西貢的一間手工菜小店，表示老闆原來是前米芝蓮餐廳的廚師，招牌菜包括黑松露魚、牛肋骨、招牌炒飯等，每道菜定價約$100至$300，但菜式水準遠超其價格，讓她激讚：「水準絕對唔係一兩百蚊之流！」即看下文了解詳情！

港人力推西貢「隱世」手工菜小店！必試黑松露魚/牛肋骨/招牌炒飯

早前，有網民在Threads發文分享，指原本計劃到西貢食海鮮，但又擔心「俾人劏」，於是決定走匀整條海鮮街「格價」，此時意外發現一間位於街尾的手工菜小店，形容「連名都睇唔清楚，但一睇個門面就覺得係一間有實力嘅手工菜。」進店後才得知，原來老闆以前是酒店掌廚，也曾在米芝蓮餐廳工作過，「見佢一個人睇三個爐，上菜超快手就知佢冇吹水」。

樓主一行人共點了4道菜，分別是黑松露魚、招牌炒飯、牛肋骨及柚子蝦球，每道菜定價約$100至$200，但樓主直言食物水準「絕對唔係一兩百蚊之流」，盛讚黑松露魚「超級超級香」，入口絲滑；招牌炒飯賣相金黃，粒粒分明；牛肋骨則軟腍入味，肉質嫩滑；最後的柚子蝦球相比起其他菜式普通，但由於選用新鮮蝦，品質依然維持高水準。此外，老闆更慷慨送上辣酒花螺與桂花珍珠露，「當然我哋見佢生意難做，都有當tips計返俾佢。」

老闆透露生意不太理想：仲要成日比人放飛機

樓主又透露，老闆向他們坦言店舖生意不太理想，「老細話佢經常拍烏蠅，最慘試過兩星期冇客，仲要成日比人放飛機。」而就在樓主光顧當晚，就有一桌預訂大枱的客人取消訂單，導致食材白白浪費，幸好樓主一行人及其他食客「幫襯」，才讓小店稍有生氣。樓主遂決定藉社交平台宣傳小店，並提醒大家可事先預約再去光顧，「老細話平時唔做午市，除非有人book」，同時也呼籲大眾「希望大家如果book枱，真係唔好放飛機！」

網民留言：好食到我流眼淚

帖文引起網民熱議，不少網友紛紛響應，留言指要去光顧支持，「我搵日都去試吓先，功夫菜買少見少，真係好難得」、「Bookmark咗，下次去西貢支持下」、「多謝介紹，搵日去試吓」。也有曾光顧過的網民留言，「多謝推介，今日去咗食，真係好食到我流眼淚，樣樣餸都好出色，我同朋友食得勁開心滿足」、「老闆超有熱誠，人又好，感覺好老實。上個月試過一次，屋企人同埋auntie、uncle都食得好開心，佢真係全部手工嘢嚟，每碟都整得好用心。」