陳凱琳品牌聯乘均香餅家出品惹負評？網民狠批糯米糍「硬過我條命」 均香老闆親自道歉急出1招補救
發佈時間：15:38 2025-08-05 HKT
香港藝人陳凱琳（Grace Chan）自家甜品品牌 Dulce Vida 繼早前聯乘「媽咪麵」的商品被美食YouTuber狠批後，近日再與本地老字號均香餅家合作，推出5款限定大福，惟食物質素再惹負評？有網民狠評糯米糍定價過高，而且質素一般，形容外皮「硬過我條命」，隨即引起網上熱議，不少均香熟客紛均表示失望，而均香餅家老闆亦親自出面道歉，坦承品質失誤並推出一項補救措施！
陳凱琳品牌聯乘甜品再惹負評？網民狠批糯米糍「硬過我條命」
深水埗45年老字號「均香餅家」糯米糍以爆餡糯米糍聞名，深受街坊喜愛。最近與陳凱琳自家品牌Dulce Vida聯手，推出5款限定大福，口味包括黑芝麻朱古力、濃情花生醬朱古力、頂級開心果朱古力、脆皮開心果朱古力、榛子朱古力，價錢每粒由$38至48不等。陳凱琳拍片宣傳時，糯米糍外皮呈現軟糯的視覺效果，不過有網民則指實物與宣傳不符？
限定大福推出不久隨即惹負評，有網民於Threads發文，批評大福外皮過硬，形容「硬過我條命，仲衰過自己屋企整嗰啲 」；又指味道一般，「爆漿開心果醬冇、拉絲糯米皮冇」、「啲糯米皮係咪未熟，完全冇拉絲嗰隻感覺喎大佬，佢係連軟糯都冇」，同時認為定價過高，「夠膽收$40一粒」，並狠批「正式宣佈只要係陳凱琳有份Crossover嘅嘢食或者係佢宣傳嘅嘢，一概都係垃圾，究竟係邊個俾佢進入飲食界？」
她又補充，自己向來是均香餅家的支持者，故對成品感失望，「上次均香喺中環Pop up嘅時候我都食咗，係好食嘅！可能係今次Crossover嘅問題啦，有好多嘢都唔係你（老闆）自己一個人話事，仲要聽埋其他partner嘅意見啩。」
網民的食評隨即引起網上熱議：「見到個賣相都唔想食啦！」、「真心超難食，個皮一啲都唔煙韌，開心果無開心果味，甜到糖尿病，仲加埋啲穀類早餐脆波波入去唔知做乜 」、「其實逢係名（明）星賣嘅嘢/開嘅舖我都冇幫襯過，感覺一定係名過於實，我錢又唔係多，情願留返嚟支持小店」、「一粒好貴下」、「唔入黎我真係估唔到係糯米糍」。
均香餅家老闆親自道歉急出1招補救
面對網民批評，均香餅家老闆「爆江」親自留言道歉，坦承品質失誤，他解釋，由於部分大福未能在當天售完，店舖將其冷藏至隔日，誤以為不會影響品質，卻導致外皮變硬。他坦言自己曾食用冷藏兩天的大福，覺得尚可接受，反映其個人標準較低，未能滿足顧客期望，為此失誤深感抱歉，歡迎食客反映意見：「你哋嘅意見係我哋進步嘅動力！」表示店家以後不會在推出大福，更急出1招補救，店家將於8月10日下午一點至兩點會中環街市免費派發100粒大福，並強調出品「保證新鮮」
延伸閱讀：Bakehouse掀港式蛋撻大戰？港人直指1原因不傳統 網民反駁：唔同嘢嚟冇得比較
