港人買西營盤人氣芝士蛋糕 自取步行5分鐘後「成個裂開」 店方拍片證大力搖晃都無事？餅師解釋2原因導致…
發佈時間：18:31 2025-07-21 HKT
近年巴斯克芝士蛋糕越來越多捧場客，甚至有小店以此作為招牌，吸引不少粉絲慕名光顧。近日有港人分享於西營盤一間甜品店自取預訂的芝士蛋糕，惟步行約5分鐘回家後，發現整個蛋糕已「裂開爛咗」。事主其後向店方反映情況，獲回覆一段大力搖晃蛋糕，證明蛋糕不會輕易損毀的影片，事主逐到網上求助發問，「係咪唔熟所以咁易爛？條片蛋糕好似未溶雪咁」，有稱擁有10年經驗的餅師網民留言解釋，出現此現象或基於2原因……
港人買西營盤小店芝士蛋糕 自取步行5分鐘後「成個裂開」
有港人早前到西營盤一間人氣店購買巴斯克芝士蛋糕，惟於自取蛋糕並步行5分鐘回家後發現，整個蛋糕已經「成個裂開」。事主強調並非首次幫襯，第一次時購買時亦有出現整個蛋糕「裂開爛咗」的情況，故是次選擇自取並更加小心翼翼拿回家，而其他朋友光顧後亦指出，該店蛋糕曾出現「不同程度嘅爛同裂」。
事主其後向店方反映情況，亦未有要求退款，獲店方回覆一段約13秒的影片作回應，表示蛋糕在大力搖晃的情況下，亦未有出現事主的情況。事主對此感到不解，「咁唔通我個蛋糕自己撞過車我唔知？？」事主到網上求助並發問，表示其實芝士蛋糕內層為水狀，「係味唔熟所以咁易爛啊？同條片個蛋糕好似未溶雪咁，係咪冰凍咗先可以咁？」
10年經驗餅師解釋或出於2原因
帖文引起網民熱議，有稱擁有10年經驗的餅師留言解釋，蛋糕在太高溫情況下烘焗，所以內層未熟而表面已呈焦黑狀，「所以佢出爐」，並推斷影片的蛋糕未完全解凍，及有在蛋糕底部加固以穩定位置，「佢個蛋糕一直在正中間」。同時有另一位餅師分享經驗之談，解釋事主的蛋糕「係唔熟，絕對唔係流心」，其次質疑蛋糕被這樣搖晃也完好無缺，「我都好懷疑佢果個真係蛋糕？」
此外，有網民留意到影片有錄下現場聲音，而蛋糕被大動作搖晃時卻沒有撞擊聲，「少少蛋糕撞擊聲/移動聲都無」，認為是底部已被加固，「根本就無移過位」、「佢呢個蛋糕竟然可以抗衡到地心吸力」、「其實佢都唔似真搖，啲動作搖得好奇怪」。網民認為店方售後服務不合理，就算店方將蛋糕從高處「掟落地唔爛咁又點？問題係你嗰個爛晒」、「send條咁嘅片係咪搞緊笑？勁唔專業喎」。
《星島頭條》就上述事件向相關店舖查詢，惟截稿前未獲回覆。
文:RY
資料及圖片來源:Threads
延伸閱讀：中環人氣餅店羅生門？港女投訴$98買開心果蛋糕厚度只有2厘米 事後現帖文讚「厚切」 網民質疑「打手」發文洗白
