食客質疑澳牛馳名滑蛋「嚴重過譽」掀熱議直言「唔覺有咩特別」網民大平反：暫時未有一間炒蛋好食過佢

更新時間：15:49 2025-06-25 HKT
發佈時間：15:49 2025-06-25 HKT

位於佐敦的澳洲牛奶公司（澳牛）一向以茶餐聞名，多士、炒滑蛋及各式通粉，加上侍應「獨特」的服務態度，成為不少本地客人及訪港旅客慕名光顧。近日有食客於網上論壇質疑澳牛的馳名炒滑蛋「嚴重過譽」，認為每間茶記滑蛋都差不多，「唔覺有咩特別」掀起網民一番爭論。有網民認同樓主所言就是普通炒蛋，但有網民為此大平反，表示「暫時未有一間炒蛋好食過佢」。

食客質疑澳牛馳名滑蛋「嚴重過譽」直言「唔覺有咩特別」

澳牛素有「光速餐」之稱，據說全因由食客入座起計，到上菜至「埋單」最快10分鐘就可以完成。縱然如此，澳牛的炒滑蛋及多士遠近馳名，多年來仍吸引市民及旅客幫襯。澳牛的炒蛋以香滑、嫰滑鬆軟而聞名，不過近日有食客於網上發文，質疑其炒滑蛋似乎「嚴重過譽」，直言「唔覺有咩特別，間間都差唔多」。此言論引起網民一番爭論，有網民認同樓主所言，表示「其實普通茶記質素」，有網民評價為並不難食但亦非美味食物，「要專登搭車出去排隊」。

網民大平反：無幾多間茶記贏到

不過，有不少網民為澳牛炒蛋大平反，有網民表示平常茶記炒蛋出品不穩定，但澳牛每次都能「出返同一個質素，所有嘢都啱啱好，夠穩定」。該名網民補充炒蛋「香滑熟3樣嘢好難並存」，澳牛的炒蛋有一股淡淡的香氣，「係出面食唔到」，於沒有加入牛奶、忌廉的情況下只用上雞蛋，「冇乜人知佢點做到」，即使澳牛多年來有廚師離職，「出面都好食得返呢隻味呢種質素」。有網民更形容外面茶記的炒蛋，「仲係未有一間好食過佢」、「論好食嘅炒蛋佢真係無幾多間茶記贏到」、「澳牛炒蛋事實係top tier（頂級）並無overrated（過譽）」。

文:RY
資料及圖片來源:lihkg、粤声志@小紅書、Ash梨🍐读博日记@小紅書