「珍姐」舊班底另起爐灶灣仔開火鍋店！主打刁鑽牛肉部位 新推花膠濃湯底/豪牛拼盤 開幕優惠免費送炸魚皮
發佈時間：11:45 2025-05-10 HKT
被封為「香港最難訂位火鍋店」的珍姐海鮮火鍋飯店（珍姐），早前預告因租約期滿而將於今年年底結業，令不少食客大感可惜。與此同時，「珍姐」舊班底宣佈另起爐灶，在灣仔開全新火鍋店「豪牛Rich Cow」，同樣主打高質牛肉及多款食材配料，食客亦可歎到刁鑽牛肉部位，同時推出全新花膠濃湯底及「豪牛拼盤」，適合一大班朋友一起「烚下烚下」！
「珍姐」舊班底另起爐灶灣仔開火鍋店！
位於灣仔的港式火鍋店「豪牛」日前正式開業，由一位難求的珍姐火鍋舊班底開設，餐廳以簡潔工業風設計為主，空間闊落，設有多張圓枱及卡位，不論是家庭聚會抑或是大班朋友聚會都適合。
午市提供特色碟頭飯，如封門牛柳豬油撈飯、蔥油豬扒雙蛋飯等；夜晚則化身火鍋飯店，新店推出全新研發的花膠濃湯底（$268），自家熬製清雞湯，加入嫩滑雞肉、花膠、瑤柱、牛猴菇、粟米及杞子等多種材料熬煮，店員亦會不時為食客添加雞湯湯底，打邊爐越食越濃味！此外，餐廳亦供應招牌豬骨蜆湯（$258）、潮州沙茶湯（$168）、皮蛋芫荽豆腐湯（$188），以及蕃茄薯仔粟米湯（$128）共5款湯底選擇。
豪牛主打刁鑽牛肉部位 必試重量級豪牛拼盤
餐廳供應一系列高質牛肉及火鍋食材，各種刁鑽牛肉部位都食到，包括五花趾（牛後腿大腿內側的牛腿肌腱）、牛骨爽（牛胸腔肋骨的軟骨部位）等，其中牛心頂（牛心臟組織）更是稀有，並非間間火鍋店都有得食！
記者推介豪牛拼盤（中$338、大498），可以一次過歎到4個牛肉部位，分別有封門牛柳、牛頸脊、牛匙柄以及牛小排，淥5至8秒即可享用，牛味濃郁且肉質軟嫩，各位「牛魔王」必試！
必食時令海鮮拼盤/鮮蝦韭菜餃/潮州牛肉丸！開幕免費送炸魚皮
除了牛肉，餐廳亦提供多款火鍋食材，如時令海鮮拼盤（時價）、花雕雞翼（$78）、陳皮魚蛋（$58）、潮州牛肉丸（$68）、鮮蝦韭菜餃（$58）、即炸魚皮（$68）等，其中新店亦有供應「珍姐」同款的「魚羊滑」（$88），將魚肉打至膠再混合羊肉，羊味極濃又彈牙。
豪牛新張優惠！晚市免費送即炸魚皮
另外餐廳推出開幕優惠，由即日起至2025年6月30日，《星島頭條》讀者只要出示以上優惠圖片，光顧晚市火鍋即可免費獲炸魚皮！
不過，最近Threads上屢傳珍姐老闆與舊班底不和，導致員工「出走」另起爐灶，對於不和傳聞，《星島頭條》記者曾向店方查詢，不過未獲回覆。
豪牛Rich Cow
- 地址：灣仔謝斐道303號地下2號舖
- 營業時間：（星期一至六）11:00-15:00、18:00-24:00；（星期日）18:00-24:00
- 電話： 6313 4499（WhatsApp）
- 預約方法： inline.app
延伸閱讀：中環爆紅「珍姐海鮮火鍋飯店」突預告結業！被封「香港最難訂位」食店 捱唔住貴租？老闆親解執笠原因
