將軍澳寬敞戶原區調遷 寶林邨住客糾結新落戶地點 網民年半後追問去向 事主咁答......｜Juicy叮
發佈時間：13:03 2025-05-10 HKT
有居將軍澳寶林邨的寬敞戶需要原區調遷，早前糾結新的落戶地點而徵詢網民意見。事隔約1年半後，有網民近日追問事主的去向，結果獲得極速大方回覆，具戲劇性的答案揭盅......詳情見下圖及下文：
將軍澳寬敞戶原區調遷 寶林邨住客糾結落戶地點逐張睇↓↓↓↓
樓主當時有心水選擇
樓主當時在facebook群組「公屋討論區-香港facebook群組」發帖請教網民：「有問題想請教。本身住將軍澳寶林邨3-4人單位，現只剩下我一個，要搬去細單位。今日問過職員，一人單位係——寶林邨寶儉樓、彩明苑（公屋部分）、健明邨、厚德邨、尚德邨、善明邨、怡明邨，佢話唔比跨區」。
樓主在帖文中透露當時有自己的心水，指「本身都住咗寶林好多年，寶儉樓都應該唔錯。不過想問下其他邨有冇咩推介？」樓主之後在回應欄補充，「因為要填返份表俾房署，所以都要諗下先後次序」。
相關閱讀：排8年三派將軍澳4人公屋月租$3151 幸運兒竟因一事身在福中不知福
樓主一原因不參加租置計畫
由於寶林邨是租者置其屋計劃發售的屋邨之一，當年不少網民建議樓主置業「買咗佢」、「唔買一定後悔」、「寶林邨係租置，你可以買」、「俾我一定買！就算大維修幾多錢都貴唔過買出邊同等市值呎數單位」，但樓主以「始終太耐樓齡」為由而決定「唔買了」。
於是網民按各自的心水推介：
•「厚德唔錯」、
•「呢堆最新係怡明」、
•「厚德同寶琳最方便」、
•「我會選寶儉／怡明／尚德」、
•「厚德可能好啲，始終寶儉係一字型」、
•「善明得兩座，最近地鐵夠靜，好住」、
•「健明邨同彩明苑都唔錯，離地鐵站近，街市都近」、
•「揀善明啦，唔係好舊，落條電梯就係商場仲可以通去彩明商場同街市，落多條電梯就係地鐵站同巴士站，落雨都唔驚」。
相關閱讀：公屋一派呢條邨 5分鐘行到港鐵總站 港女唔心足想「博二派」？
樓主4分鐘內極速回應
帖文於2023年10月底發出，有網民於日前差不多事隔約一年半後，在回應欄追問樓主的去向：「Hi樓主，你最後搬去邊？」，結果，對方在4分鐘後極速大方回應，透露已遷到位於調景嶺的健明邨細單位，與樓主當日的心水寶林邨寶儉樓大為不同。
根據房署有關公屋「寬敞戶」的調遷資料，「租戶在承租單位後，若因家庭成員遷出、離世、結婚、移民等原因而刪除戶籍，使餘下的家庭成員享有的居住面積超逾既定的編配標準，便成為『寬敞戶』。現時租約條文已規定，倘成為寬敞戶，租戶須遷往房委會認為居住面積符合其家庭人數的公屋單位」。
相關閱讀：網民：上水彩石邨開始派啦！ 新公屋入伙登記現場直擊 附單位平面圖↓↓↓↓
不少公屋申請人都希望獲派新樓。有網民近日在網上報料，指「上水彩石邨開始派啦！」，並附上現場直擊的彩石邨最新資訊「祝大家早日收樓」。不少網民也興奮地表示，已收到獲派彩石邨的「配房通知信」。詳情見下圖及下文↓↓↓↓
