《中年好聲音》男參賽者商場廁格慘遭偷拍 赤裸下身被影逾1分鐘 報警後嘆拉人機會渺茫：我唔係謝霆鋒
發佈時間：17:30 2025-05-10 HKT
TVB真人騷《中年好聲音3》決賽登峯之戰於5月11日假啟德體育園啟德體藝館舉行，最後7強參賽者包括有趙浚承、李金凱、陳芷盈、劉洋、張與辰、占士丁丁及黃博。香港掀起《中年好聲音》熱潮，近日有參賽者於網上自爆日前於尖沙咀某商場的廁格中，被變態男偷拍者舉機拍攝大便情況，雖然他立即着褲衝出廁格力追但仍落空。最後立即報警的他十分無奈，暗示能成功捉人的機會渺茫，因為自己不是周潤發和謝霆鋒。
蕭家浩參加《中1》肥媽聽到眼都凸
今年39歲的蕭家浩，3年前曾參加《中年好聲音》，當時他報稱是保險從業員。於100強中他選唱陳奕迅的《孤兒仔》，他多度用奇怪的聲線去演繹苦榮的演唱部份，聽到評審議論紛紛，肥媽更一度眼都凸埋，最後他無緣晉級100強止步。
相關閱讀：《中年好聲音3》參賽者酒樓登台片瘋傳 被塞500元錫阿婆面珠 熱情互動惹側目網嘆搵食艱難
蕭家浩公開被偷拍經過：
蕭家浩廁格「辦大事」遭偷拍
蕭家浩昨日更新社交網，身穿黑色TEE的他剛報完警返到私家車上，開始訴說不幸遭遇：「今日發生咗一件令我好嬲嘅事，我4點鐘見完客，返到商場去廁所，當我準備離開嘅時候，見到廁格度門上面，有個手機喺度影緊我。我馬上嗌咗聲喂！佢就即刻走。我即刻着褲，連鈕都未扣好我就追出去，出去已經唔見咗佢，因為我扣番粒鈕都要幾秒，而我大叫佢已經知我發現咗。」
蕭家浩被拍超過1分鐘
蕭家浩未能捉到偷拍者，就立即報警：「之後我報警，警察都好快嚟到，幫我睇番CCTV，真係見到有個人入咗嚟廁所兩次，入完又出出完又入，我諗佢係要睇吓廁所環境有冇人，佢發現廁所得我一個喺廁格，再出番去望望有冇人，結果就入番嚟喺度拍。警察話佢拍咗超過1分鐘，拍完之後跟住就走。」
相關閱讀：中年好聲音3丨趙浚承被指是譚詠麟愛將 因索妻加持惹爭議 曾組男團婚前有「攬女照」外洩
禢振華酒樓登台跟錫長者面珠：
蕭家浩苦笑嘆自己非名人
蕭家浩非常無奈：「我真係唔明點解要影個男人去廁所咁核突呢？你鍾意睇嘅，你咪去沙灘、泳池、健身室更衣室，大家沖完涼你咪望吓、興奮吓咪算囉，你冇理由人哋辦緊大事、你嚟影㗎嘛。依家我報咗警，就唔知會唔會捉到佢，CCTV係影到佢。但好老實講，睇事件嚴重性啦，警察都話如果你係周潤發嘅，係謝霆鋒嘅，當然就即刻會捉到啦。我想分享畀大家知，原來男人去廁所都要小心啲囉，大家如果喺網上見到我嘅片，都唔使驚訝。」
網民同情蕭家浩
不少網民得知蕭家浩的經歷都予以同情：「男仔女仔也要小心！唉，世風日下」、「今日咁多單男人偷拍男人嘅」、「男仔真係要好好保護自己」，但亦有網民指蕭家浩不應叫該名偷拍者去公眾更衣室𥄫嘢：「你做乜呼籲啲變態佬去泳池沙灘健身室睇嘢，咁我以後仲洗去嘅？！ 」。
相關閱讀：中年好聲音3｜終極七強背景逐個睇 黃博、李金凱、趙浚承邊個係冠軍大熱？
