譚詠麟爆兒子拍拖下月返港睇騷 滿意未來新抱 睇齊韓星價叮囑勿買黃牛
發佈時間：17:15 2026-08-23 HKT
「樂壇校長」譚詠麟將於9月舉行「刻骨銘心」世界巡迴演唱會香港站，今日（8月23日）正值是他的「25歲半」生日，同步為其於尖沙咀的「刻骨銘心」玻璃屋快閃店揭幕，十分有紀念價值！快閃店以奢華黑金色調為主軸，採用全透明玻璃外牆設計，店內設計充滿音樂殿堂的氛圍。玻璃屋座落於尖沙咀海景旁，草地之中，十分之矚目！
譚詠麟玩「摜蛋」上癮
譚詠麟接受到訪問時，表示最近已有十分朋友與他慶祝生日：「有宴會，有飯局又有蛋糕，所以今日靜靜同朋友喺屋企撐枱腳，打牌。」特別一提，譚校長所說的「打牌」，並不是麻將或者Poker，而是新興玩意「摜蛋」，十分跟得上潮流。演唱會將近，譚校長也消瘦不少，他透露自己減了將近17磅：「但係啲人鬧，咁就食返幾磅啦，其實我仲爭4，5磅。」有記者問到譚校長兒子有沒有返港？他9秒9回答：「多謝。」揭幕禮中，譚校長也親手收到不少禮物和利市，他表示要留待之後日子「一次過拆」，笑言收利市一定要親手接：「不假手於人。」
相關閱讀：譚詠麟牛津學霸私生子隱居加拿大年薪百萬 《東周刊》獨家爆譚曉風搞加密貨幣成就非凡
譚詠麟恨抱孫？
問起今年的生日願望，他回答：「演唱會有個主題，都係希望世界和平，大家環保，好多天災、人禍都影響咗環境生態，都係演唱會帶出嚟訊息。」個人的生日願望呢？他回答：「我自己嘅生日願望呢，就係……多謝大家關心，唔會講畀你聽。」示意要保持神秘。有記者問是否有好消息想抱孫？似乎「開口中」。譚校長回應：「邊有咁快呀。（想唔想？）都未結婚，邊有咁快。（有女朋友？）梗係有啦。（見過？）見過，經常見。（係咪外國人？）多謝關心。（滿唔滿意未來新抱？）幾好。（香港定外國人？）同音樂一樣無國界。（未來新抱好靚？）都唔關我事，多謝啦。（會唔會返嚟睇騷？）多謝關心，我都唔知佢睇邊場。」
相關閱讀：譚詠麟「紅顏知己」朱穎婷激罕曝光 平民餐館開餐零交流 二人育有一子譚曉風
譚詠麟同韓星睇齊
說回演唱會，譚詠麟透過訪問勸告樂迷：「大家千祈唔好買黃牛，出面啲黃牛好畀面，將我擺咗喺啲韓星價錢嗰度。（萬幾蚊一張）係囉，千祈唔好益啲黃牛。」又笑言可以在門口聽演唱會：「外圍攻擊！」有關玻璃屋快閃店的產品，譚校長特別提到當中可以聊天的「I-Allen」，他說：「有個嘢我好鍾意，係AI做嘅，係我把聲，入晒我嘅資料，差唔多係識問識答，係我把聲。」及後譚校長同「I-Allen」合照時，工作人員嘗試與之對話，怎料「I-Allen」用譚詠麟的聲音回答：「你唔好咁大火氣。」相當搞笑。
