劉佩玥《中4》貓女郎戰衣再現身 自爆練Moonwalk仆落地 唔怕緋聞照邀周志文做嘉賓
更新時間：21:45 2026-08-21 HKT
發佈時間：21:45 2026-08-21 HKT
發佈時間：21:45 2026-08-21 HKT
字體大小
劉佩玥（Moon）、周志康、羅天宇等6位在《中年好聲音4》蒙面藝人今日出席9月底舉行的《愛爆動物音樂秀》記者會，Moon透露自己今日與羅天宇均着上參加《中年好聲音4》的戰衣，又指會請來胡鴻鈞任嘉賓，羅天宇就指會找吳業坤一起玩，莫家淦則謂會問譚詠麟。
劉佩玥穿回《中4》戰衣有原因
在《中4》中以貓女郎現身的劉佩玥指今日再穿回參賽時服裝，她表示想帶出首尾呼應的感覺，也感謝大家見證她成長之路，問到是否覺得自己在唱歌方面遲起步？劉佩玥認為演員是她主要的工作：「不過我唔會俾身分限制自己，亦唔會因年紀、性別而驚了行每一步，就算到我中、老年都試新事物。」她認為參加《中4》令自己開拓新的眼界，也認識了很多朋友，大家在短時間內一起去做同一件事，感覺似同生共死，大家每次鼓勵和幫助，那種支持和愛，會一直陪伴自己。
劉佩玥不介意周志文做嘉賓
嘉賓方面，問到他邀請胡鴻鈞外，是否也會邀請緋聞男友周志文？她即笑指已有周志康，兩人是同一個人樣，但同時也坦言不介意邀請對方：「我哋只係一齊出過活動，未試過同台合唱，要睇周志康會唔會先請佢，但即使佢唔做嘉賓，都一定會坐喺台下支持我哋。」
劉佩玥望跳出演出框框
劉佩玥又表示今次演出中，希望可有新挑戰跳出框框，問到是否以性感示人？她指未揀衫，但性感也分健康和高貴，至於是否打算跳舞？她笑指之前看了米高積遜的電影：「當中有段跳Moonwalk，而我又叫Moon，就試吓屋企練，點知2隻腳翹埋仆咗落地，跳舞真係好難嘅一件事，但我唔好限制自己，努力練一定會有成果，我而家係跣到兩步，唔排除我係可以做到，我練到老年都會練，（開騷跳畀大家睇？）可能急少少，但我覺得有機會嘅。」
