向海嵐教旅客「0元遊港」遭網民炮轟認標題「吸眼球」惹誤會承諾不再嘩眾取寵

更新時間：18:15 2026-08-07 HKT
發佈時間：18:15 2026-08-07 HKT

前港姐向海嵐近日在「小紅書」拍片示範挑戰在香港「0元一日遊」，片中教旅客零消費遊港妙法，包括挑戰「0元食飯」，在食肆借熱水沖自攜咖啡，惹網民批評身為港姐冠軍不幫忙振興香港經濟反而教人攞著數打擊經濟。

向海嵐強調原意介紹免費靚景

向海嵐今日就風波回應《星島頭條》，她解釋影片標題「唔使錢去遊香港」只為吸引觀眾目光，其實這條影片內容是為旅客介紹一些大家未必知的不收費香港美麗景點。「首先要好多謝大家好關注我啲視頻，其實好多時候視頻嘅標題都係用嚟吸眼球。所以點解標題會話「唔使錢去遊香港」，其實你睇咗條片嘅內容你就會知道其實裏面係介紹香港有好多地方其實好靚，你可以去打卡其實都係可以唔使錢。例如包括中環一啲新嘅商業大廈嗰度有啲好靚藝術公園，嗰度亦可以有好多位可以影到香港一啲高樓大廈.....」她強調自己的意思是有些值得推介的香港景點都是不需花錢。向海嵐更提到揚名國際的香港賽馬活動，「原來遊客嚟到香港，佢哋只要出示有效旅遊證件，其實係可以免費入場去觀看賽馬。呢啲都係話俾一啲遊客聽，佢哋係可以唔使錢就可以欣賞到一啲香港好有特色嘅地方。」

向海嵐澄清拍過很多消費片

對於被網民批評身為港姐卻宣揚零消費遊香港，向海嵐指自己亦有拍不少影片介紹香港美食，包括深水埗、紅磡區的街頭小食，甚至介紹去日常用品店購買特色好物，強調其實都有介紹遊客在香港消費，但大家只集中在一條標題上去指「零蚊去旅遊香港」。她承諾經過今次廣泛報導後會多注意，「我會同幫我做視頻的團隊傾吓，標題上面唔好用太嘩眾取寵嘅字眼，避免不必要誤會。」

↓追蹤《星島頭條》WhatsApp頻道↓