27歲港男家道中落做保安 慘遭舊同學嘲笑 捱足3年遇「高人」指點 終辭職宣告「轉做一事」｜Juicy叮
發佈時間：15:40 2026-08-07 HKT
一名因家道中落而投身保安行業3年的27歲港男，近日在網上自爆入行以來的酸甜苦辣。他透露在當值期間不但慘遭中學同學偷拍嘲笑，更經歷過日夜班顛倒的身心折磨，幸而在工作期間遇上「高人」指點，終下定決心辭職宣告「轉做一事」。詳情見下圖及下文：
27歲港男家道中落做保安 慘遭舊同學嘲笑 捱足3年遇「高人」指點 終辭職宣告「轉做一事」逐張睇↓↓↓↓
家業破產投身保安 遇舊同學遭偷拍嘲笑
樓主今天（7日）在社交平台Threads以「保安」為題，細訴自己27歲便做了3年保安員的感想。
樓主先分享自己入行的無奈背景：「本人疫情之前屋企做飲食行業生意，因為疫情期間生意唔好屋企破咗產，跟住自己又冇學歷，唔知做乜咁就嗰陣時就去咗考保安牌結果啱啱開始就踏入咗保安呢個行業。」
他憶述自己上班的遭遇：「大約2023年暑假左右啦，第一份工就係一個十二碼（12小時一更）早班商場喺深水埗當時人工仲係好低，嗰陣時做保安撞到自己啲中學同學真係好尷尬，仲俾啲中學同學偷拍我揼咗上群組嗰啲，第一份保安我返咗兩個月左右就冇做了。」
其後，他轉為夜班，卻發現是一場身心折磨：「之後都係做咗一段時間嘅夜班炒散保安，夜班保安同日班保安分別係差好遠，夜班基本上冇嘢做，但係就有夜班嘅辛苦精神壓力好大，日日都瞓唔好，搞到自己皮膚變得好差。」
日班遇有樓阿叔阿姐
樓主及後轉回日更，生活才重回正軌：「後面轉返日頭，返咗一段時間日頭住宅保安，日頭雖然體力上會辛苦啲，但係時間會過得充實啲同埋每日瞓覺都早睡早起有個生理時鐘習慣慣咗。」
在日班工作期間，他接觸到了截然不同的人與事：「同日班嗰陣時同同事傾偈都叫做多咗，反而夜班好少同同事有任何交流因為返夜班個個都好大部份躁底（包括我自己返夜班嗰陣時唔知點解諗嘢係特別多負能量），唔係幾想講嘢，反而日頭同同事相處會好啲，跟住都了解咗好多日頭嘅同事，亦都遇到呢種後生過我嘅，甚至遇到一個19歲女大學生過嚟做炒散，有啲甚至係已經喺香港有物業嘅叔叔阿姐，佢哋都畀咗啲人生經驗畀我。」
當被網民問到：「有冇做過公屋盤？」樓主坦言自己沒有公屋經驗，住宅經驗只限於特定地段：「冇，住宅經驗淨係做過港島區豪宅同埋九龍站地鐵盤。」
樓主直言，保安這份工作其實也有意想不到的兩大優勢：第一、起薪點高且請人容易：「做保安好處，保安嘅起薪點比一般行業都要高（最高做過日班住宅$24,000一個月，商場散工$1000一日），有啲冇乜經驗都有兩萬蚊一個月，同埋容易搵到容易請人。」
第二、時間充裕且年輕晉升快：「尤其是做夜班你會多咗好多時間，好啱嗰啲讀緊書過嚟做炒散嗰啲，會好多時間畀你溫書，我做夜班嗰陣時都用夜班嘅時間去研究美股嗰啲。返日頭就基本上冇乜自由時間，但係時間會覺得充實啲，同埋後生升職機會好大，好容易就升到副IC（副主管）或者IC（主管）位。」
樓主：難適應其他工
不過，樓主指：「因為保安做太久你真係做返其他行業係好難適應。我啱啱轉行冇幾耐，都仲未習慣到，做其他工都會覺得好辛苦。」樓主續指：「同埋保安呢行就係賣時間，高人工嗰啲通常十二碼返十二碼，就基本上等於冇咗好多時間少咗同朋友傾偈嘅時間，同現實中嘅朋友會疏遠咗，返8、9個鐘嗰啲人工基本上又太低。」
他更在文中大吐在惡劣天氣下需要加班的辛酸：「仲有一樣壞處要補充返，就係惡劣天氣都要返工包括十號風球，如果返工期間10號風球基本上要OT（加班），最高試過連踩18個鐘。」
網民：不要介意別人眼光
看到樓主的掙扎與無奈，有網民留下溫馨的鼓勵，勸他不要介意別人的眼光：「今時今日有份工自給自足不偷不搶已經值得尊敬，唔需要太理會其他人睇法，當然，趁後生學一門手藝都係好事，你會多咗選擇。」
樓主：趁年輕學多啲手藝
這番暖心的安慰獲樓主認同，他隨即留言回覆道出自己的長遠規劃：「我就係咁諗，我想趁年輕學多啲手藝，老咗再做返保安。」這也促使他做出了決定：「後面我決定唔再做保安了，因為我覺得自己仲未30歲，之前都係搵一門手藝去學。」
資料來源：eric_liu19991011＠Threads
相關閱讀：
18歲DSE生霸氣宣布做保安 豪言「行少50年彎路」 被嘲浪費青春一句話神反擊 網民讚人間清醒
保安員真係「冇嘢做」？ 高學歷後生仔入行3年驚覺中伏 實Q同行吐苦水大爆超忙日常
港女貪輕鬆想入行做保安 過來人踢爆無冷氣常態 加碼揭露「一致命風險」嚇退 網民識貨狂推另一「舒服筍工」
喺自己屋苑做保安好爽？ 網民細數絕世筍工優點 有人因一理由力排眾議
港大碩士IT男失業11個月轉行送外賣做保安 10年經驗貼畢業證書自嘲：呢張嘢其實冇乜用？
