黎彼得離世丨黎樹德被封「李泳漢2.0」 老父剛離世急於澄清「代找卡數」傳聞惹人反感
發佈時間：15:30 2026-08-07 HKT
黎彼得離世丨「鬼馬填詞人」黎彼得（Peter哥、原名黎成就）於8月5日早上因病離世，享年76歲。其好友鍾志光向《星島頭條》獨家證實死訊，黎彼得在今年3月入住安老院，,不過在4月30日因缺血性中風被送院治療，鍾志光感慨地表示，在黎彼得中風前幾天，兩人還曾一同飲茶，當時黎彼得精神尚可，完全沒有料到此後會天人永隔，亦沒有留下任何遺言。昨日黎彼得兒子黎樹德與鍾志光就黎彼得的後事安排行記者會。
黎樹德承認待業近一年父子關係良好
黎彼得曾在訪問表示多年來身兼母職獨力湊大兒子，但二人關係疏離，雖然曾花費十多萬元送兒子到南京攻讀為期四年的中醫課程，可惜事與願違，兒子經常逃學最終未能順利畢業，兒子回港後更長期處於「躺平」狀態，黎樹德強調父子關係良好並指出那是學費和生活的正常開支，他亦承認待業近一年，全因父親需要洗腎，故決定全天候24小時貼身照顧爸爸。
相關閱讀：黎彼得離世丨兒子黎樹德停工陪老父走過最後歲月 澄清經濟沒有困難：傳聞有誇張成份
黎樹德急於澄清「代找卡數」傳聞惹人反感
黎彼得曾提到兒子黎樹德30幾歲，卻欠十多萬元的信用卡債務，要由他代為償還債務，黎彼得當時已年過70歲，仍要努力工作賺錢：「我得一個仔冇得揀，咁你錫唔錫個仔呀？」黎彼得直到去年才清債務。在記會上，黎樹德澄清相關報道帶有誇大成份：「大部分都唔係真實嘅情況。例如卡數嘅情況就係，基於啲學校嘅費用同埋生活費為主，唔係所謂嘅，大部分都唔係一啲準確嘅嘢，有啲誇張成份。」鍾志光解釋是理所當然的事：「呢個事實係真嘅，但係亦都要考慮返當時情況，一個學生去到外面讀書，點可能自己供養自己呢？Peter哥當然係義無反顧對佢嘅供給。」鍾志光亦為黎彼得澄清沒有經濟困難：「係完全冇呢回事，我哋識咗咁耐，佢從未問我借過一毫子。」黎彼得與黎樹德父子關係及經濟問題再次成為焦點，有網民對於黎樹德在爸爸剛離世就急於澄清「代找卡數」傳聞感到反感。
黎樹德被指是「李泳漢 2.0」
有人認為黎樹德與李泳漢一樣，一邊依靠年邁老竇的積蓄或名氣過活，另一邊卻在父母病重或離世後作出顯得不孝或自私的言行，留言指他是「李泳漢 2.0」：「佢死咗先出嚟講，佢講咩都得啦。」、「同鼎爺大仔結拜。」、「佢個仔都唔x做嘢，喺屋企白食白住，淨係呢點距講嘢都唔可信啦。」、「尊重爸爸，請收口。」、「人都死咗啦。你講咩都得啦。」、「人都走了，死者為大，恩怨已化煙，何况若你有能力，黎生都不會如此說。」不過有一個自稱是黎樹德小學時期的補習老師力撐黎樹德：「我和他相處已有一年時間，比各位網友更清楚他的為人。他絕不是大家所說的無業遊民，他不是李泳漢2.0，他還有努力進修，香港現在也有很多人失業，有位失業者更是計算機碩士，難道他又是李泳漢2.0 ？ 希望各位網友不要在他傷口灑鹽。我記得當年在補習社工作時，黎彼德先生都身兼母職接送他兒子放學，可見黎彼德先生有多疼愛他兒子。如果黎彼德先生還在生，見到那麼多網友攻擊他兒子一定很傷心，甚至死不瞑目。希望大家看著黎彼德先生份上，給他兒子一條生路，不要在網上抺黑他人品。」不過有網民反斥：「係黎彼得好多訪問入面，自己講個仔從來無俾家用，23歲仲要老竇供讀書，你搵佢生前啲訪問黎睇啦。」
相關閱讀：黎彼得離世丨左青龍右白虎成絕響 星爺御用配角走到《愛回家》豹叔 「大四喜」神級Rap瘋狂洗版
