劉小慧罕談舊愛郭晉安 親解「嫌窮」分手真相：我對得起呢段感情 為蘇志威狠飛安仔？
發佈時間：09:00 2025-11-21 HKT
在90年代曾有「學生情人」之稱的劉小慧，因拍TVB劇集《成功路上》認識郭晉安，其後兩人因合作拍電影《雙鐲》時撻着，郭晉安與劉小慧拍拖4年，有傳當年郭晉安曾向劉小慧求婚，但因郭晉安事業未有成就，被嫌窮而被劉小慧拒絕，劉小慧因戀上蘇志威而與郭晉安分手。郭晉安在多年後訪問直言當時因第三者介入，他更曾怨過劉小慧。
劉小慧感恩曾戀郭晉安
近日劉小慧接受好友鍾慧冰的YouTube頻道《冰姐的花樣人生》的訪問，罕談與郭晉安的關係，劉小慧坦言很感恩人生中有過郭晉安這個男朋友：「我哋拍咗拖大約5年，佢擺咗我喺一個好重要嘅位置佢，我比佢任何嘢都好重要，到最後我選擇咗離開，冇同佢一齊走落去，我哋經歷咗好多嘢過嘢，我唔知點解外界作咗咁多嘢喺呢段感情，我係絕對對得住呢段感情。」
相關閱讀：郭晉安歐倩怡離婚丨郭晉安曾認戴綠帽！戀劉小慧被狠飛 女方移情蘇志威
郭晉安曾認與劉小慧間有第三者
郭晉安曾在《志雲飯局》分享與劉小慧的的分手細節，郭晉安當時承認曾與劉小慧計劃結婚：「直至到我真係搵錢嘅時候，可能我畀佢嘅壓力太大，佢個壓力就係我唔知要照顧呢個男人仲要照顧幾耐呢。我記得我當時拍一套電視劇《龍門客棧》，我第一次搵錢可以搵到20幾萬，我哋嗰陣時有憧憬過不如下一年結婚囉，點知嗰陣時就出事了，就係分手。」郭晉安直認分手原因是出現第三者，表示當時思考了一年想責任在於誰：「嗰時直頭冇晒方向，甚至成個娛樂圈對我嚟講都冇晒興趣，我覺得點解完咗一單官司，感情上又會遇到咁大嘅傷害，究竟係係咪我個人嘅問題呢？我係咪仲有啲嘢要重新去糾正呢？我郭晉安究竟係一個咩人呢？嗰一刻嚟一次好大嘅反省，我發現自己好多嘢原來都好負面。」事隔多年，劉小慧在鍾慧冰的訪問上重提舊愛，劉小慧說：「我絕對對得起呢段感情！我亦好感恩有佢。我都相信安仔佢都會好感恩曾經有過我。」
劉小慧當拍拖是「試用期」
劉小慧覺得拍拖就是一個「試用期」讓大家看對方是否適合：「如果唔適合，就算再愛都冇辦法。因為有時候生活嘅小習慣，或者任何大嘅嘢模式唔一樣，已經可以斷定呢段婚姻唔會走到最後。因為中間會有太多摩擦，你唔係講緊得閒一個禮拜見一兩次面喎，大佬，你係要長時間喺同一個屋簷下生活！如果仲生咗小朋友，你都唔想啲小朋友喺破碎家庭長大？因為原生家庭對每個人嚟講係好重要，父母離異，你啲仔女係會一代一代咁全部承接，我唔想咁樣，所以我想喺嗰一刻搵個最適合，日子耐咗，人會變、人會長大，通過唔同嘅經歷，想法都會改變，大家唔同步，去到某一個位都會停，但起碼喺當下嗰刻揀咗先，揀個最啱畀自己。」
相關閱讀：劉小慧26歲餅印大女顏值高 認做星二代怕批評：啲評語好激烈 曾赴日深造變甜品高手
劉小慧與蘇志威婚後育有兩女
劉小慧在1997年與蘇志威結婚並育有大女蘇君蕎（Yumi）和細女蘇靖珺（Ina），婚後劉小慧專心相夫教子，蘇志威保養得宜，而且多年來不時外出表演，身邊有班忠粉支持，劉小慧對蘇志威投以百分百信任：「佢都唱咗幾十年，如果呢個風險要有嘅話，之前都已經發生咗，到咗這個年紀唔可應能再有喇。其實應該這樣說，如果要講最危險已經過咗，如果佢中間真係遇到呢啲嘢，你都真係冇辦法。」
