港人目擊阿伯遭2女子「夾擊」提款？疑直接伸手㩒ATM鍵盤網民建議做1事：你可能救到人！

港人目擊長者遭2女子「夾擊」直接操作ATM提款？網民建議做1事：你可能救到人！

更新時間：15:29 2025-11-20 HKT
發佈時間：15:29 2025-11-20 HKT

近年社會上出現各類型騙案，部分不法分子更會以長者為目標，騙取他們的財物。近日，有港人目擊一名長者疑似遭2名女子「夾擊」提款，期間女子更直接伸手操作櫃員機鍵盤，懷疑對方是否捲入騙案。帖文引起網民熱議，有網民建議下次再遇到相同場景時可做1事，「唔好驚做多步，你可能救到人的！」即看下文了解詳情。

港人目擊阿伯遭2女子「夾擊」提款？疑直接伸手㩒ATM鍵盤

近日，有網民在Threads發文分享，指早前在街上目擊一名長者疑被2名女子「夾擊」提款，其中一名女子更直接伸手操作櫃員機鍵盤，形容「夾住個阿伯嚟㩒錢都算啦，有一下個女人隻手仲隊埋落個pad到」，懷疑伯伯被捲進騙案。根據樓主上傳的照片可見，一名長者正在提款機提款，有2名女子正站在其左後方，一直注視他的舉動。

網民建議做1事：你可能救到人！

帖文引起網民熱議，有網民直言近年不時有類似事件發生，「密碼都睇埋，跟住用假卡換真卡，日日提上限，阿伯俾人拎晒都未知咩事。」有網民建議樓主下次遇到類似情況時，可以找銀行職員幫忙，「如果你往後再遇到呢啲嘢，希望你走入銀行搵職員出嚟問，唔好驚做多步，你可能救到人的。我一定會走入去搵職員，真係唔好驚做多咗，如果你阻到一單詐騙案，其實都係做咗善事」、「如果可以咪入銀行叫職員睇下會唔會處理，唔好自己處理。」

不過，有網民則認為遇上同樣情況時，要先衝量自身能力，「少理為妙，點知佢哋咩料？今時今日咁八卦無着數！唔係話鼓勵無同理心，而係自己先問一聲自己，我可以幫到啲乜先？要量力而為，先學識充分保護自己再想其他」。

圖片及資料來源：Threads@24x24

文：Y