刘小慧罕谈旧爱郭晋安 亲解「嫌穷」分手真相：我对得起呢段感情 为苏志威狠飞安仔？
发布时间：09:00 2025-11-21 HKT
在90年代曾有「学生情人」之称的刘小慧，因拍TVB剧集《成功路上》认识郭晋安，其后两人因合作拍电影《双镯》时挞着，郭晋安与刘小慧拍拖4年，有传当年郭晋安曾向刘小慧求婚，但因郭晋安事业未有成就，被嫌穷而被刘小慧拒绝，刘小慧因恋上苏志威而与郭晋安分手。郭晋安在多年后访问直言当时因第三者介入，他更曾怨过刘小慧。
刘小慧感恩曾恋郭晋安
近日刘小慧接受好友钟慧冰的YouTube频道《冰姐的花样人生》的访问，罕谈与郭晋安的关系，刘小慧坦言很感恩人生中有过郭晋安这个男朋友：「我哋拍咗拖大约5年，佢摆咗我喺一个好重要嘅位置佢，我比佢任何嘢都好重要，到最后我选择咗离开，冇同佢一齐走落去，我哋经历咗好多嘢过嘢，我唔知点解外界作咗咁多嘢喺呢段感情，我系绝对对得住呢段感情。」
相关阅读：郭晋安欧倩怡离婚丨郭晋安曾认戴绿帽！恋刘小慧被狠飞 女方移情苏志威
郭晋安曾认与刘小慧间有第三者
郭晋安曾在《志云饭局》分享与刘小慧的的分手细节，郭晋安当时承认曾与刘小慧计划结婚：「直至到我真系揾钱嘅时候，可能我畀佢嘅压力太大，佢个压力就系我唔知要照顾呢个男人仲要照顾几耐呢。我记得我当时拍一套电视剧《龙门客栈》，我第一次揾钱可以揾到20几万，我哋𠮶阵时有憧憬过不如下一年结婚啰，点知𠮶阵时就出事了，就系分手。」郭晋安直认分手原因是出现第三者，表示当时思考了一年想责任在于谁：「𠮶时直头冇晒方向，甚至成个娱乐圈对我嚟讲都冇晒兴趣，我觉得点解完咗一单官司，感情上又会遇到咁大嘅伤害，究竟系系咪我个人嘅问题呢？我系咪仲有啲嘢要重新去纠正呢？我郭晋安究竟系一个咩人呢？𠮶一刻嚟一次好大嘅反省，我发现自己好多嘢原来都好负面。」事隔多年，刘小慧在钟慧冰的访问上重提旧爱，刘小慧说：「我绝对对得起呢段感情！我亦好感恩有佢。我都相信安仔佢都会好感恩曾经有过我。」
刘小慧当拍拖是「试用期」
刘小慧觉得拍拖就是一个「试用期」让大家看对方是否适合：「如果唔适合，就算再爱都冇办法。因为有时候生活嘅小习惯，或者任何大嘅嘢模式唔一样，已经可以断定呢段婚姻唔会走到最后。因为中间会有太多摩擦，你唔系讲紧得闲一个礼拜见一两次面㖞，大佬，你系要长时间喺同一个屋簷下生活！如果仲生咗小朋友，你都唔想啲小朋友喺破碎家庭长大？因为原生家庭对每个人嚟讲系好重要，父母离异，你啲仔女系会一代一代咁全部承接，我唔想咁样，所以我想喺𠮶一刻揾个最适合，日子耐咗，人会变、人会长大，通过唔同嘅经历，想法都会改变，大家唔同步，去到某一个位都会停，但起码喺当下𠮶刻拣咗先，拣个最啱畀自己。」
相关阅读：刘小慧26岁饼印大女颜值高 认做星二代怕批评：啲评语好激烈 曾赴日深造变甜品高手
刘小慧与苏志威婚后育有两女
刘小慧在1997年与苏志威结婚并育有大女苏君荞（Yumi）和细女苏靖珺（Ina），婚后刘小慧专心相夫教子，苏志威保养得宜，而且多年来不时外出表演，身边有班忠粉支持，刘小慧对苏志威投以百分百信任：「佢都唱咗几十年，如果呢个风险要有嘅话，之前都已经发生咗，到咗这个年纪唔可应能再有喇。其实应该这样说，如果要讲最危险已经过咗，如果佢中间真系遇到呢啲嘢，你都真系冇办法。」
