阮小儀去向終極曝光！進軍YouTube開頻道 預告有新構思：總之要輕鬆好玩
發佈時間：22:30 2025-11-07 HKT
現年54歲的阮小儀（Kitty Yuen）於今年10月10日宣布從香港商業電台（商台）辭職，小儀與森美主持的節目《早霸王》（Good Morning King）亦因小儀的離職而停播，小儀曾表示請辭其中原因是陪伴父母，因80多歲爸爸去年身體突然出狀況，有感人的脆弱，幸好爸爸康復得快，此刻陪家人比搵錢更重要。
裸辭的阮小儀終於宣布新搞作
裸辭的阮小儀表示暫未有新計劃，但日前以嘉賓身分回歸森美新節目《Bad Girl大過佬》後，終於宣布新搞作。小儀昨日（6日）在IG宣布將會開設YouTube頻道《阮小樂園》，在片中，小儀說：「呢個樂園嚟嘅，冇任何規矩，務求希望大家喺嗰度，你輕鬆時，我又輕鬆，總之就好玩啦。」小儀今晚（7日）推出第一條片播出，獲不少網民留言支持。
相關閱讀：《早霸王》最後一集森美淚別小儀 深情告白「我了解小儀」感情不言而喻：佢贏我嘅地方好多
小儀YouTube頻道《阮小樂園》第一段影片首播
小儀新開設的YouTube頻道《阮小樂園》今晚播出第一段影片，一開始記錄小儀宣布離開商台到最後一日做節目的心路歷程。當日朝早雲妮（Vani）在節目上播出吳奇隆的《祝你一路順風》，小儀分享了一個小秘密：「其實呢個係我喺廣告部嘅秘密，嗰陣我係暑期工，因為要返理大讀書，當時有個同事叫余廣志，係我第一個大佬，嗰陣佢係一台有個節目，佢送咗呢首歌，估唔喺我今日last day呢個時間，呢首歌又再出現，真係好得意。」小儀離開商台前，與在門外等候的fans一一道別兼影大合照。
小儀慢慢會習慣離開多年工作崗位改變
對於離開多年的工作崗位，生活上有改變？小儀說：「我覺應該慢慢會習慣，因為始終完全冇離開903嗰種感覺，可能因為仲聽緊收音機，WhatsApp又會同啲同事有聯絡，只係朝早可以晏少少起身，夜晚同朋友食飯唔使早啲走。但係呢個月好得意，有好多空群而出嘅祝福說話，其實我走咗唔需要加油，而家可以嘆我嘅人生，原來我喺呢30年裡面嘅角色，令大家好似睇住我長大，所以真係好多謝大家。」小儀還說：「我嚟緊會睇番大家嘅留言，亦希望大家會繼續留言，其實每一個人都以為我真係有新嘅工作，好老實係有構思過，我真係會做一啲新嘢，不過大家要畀啲時間我，我會做住學，希望可以做到最好，大家唔好當我係KOL，我只想記錄一啲我自己嘅嘢。」
相關閱讀：小儀宣布辭職10月底退出《早霸王》 効力商台近30年今早爆震撼彈 感性發文：對唔住，我想行開下
