阮小仪去向终极曝光！进军YouTube开频道 预告有新构思：总之要轻松好玩
发布时间：22:30 2025-11-07 HKT
现年54岁的阮小仪（Kitty Yuen）于今年10月10日宣布从香港商业电台（商台）辞职，小仪与森美主持的节目《早霸王》（Good Morning King）亦因小仪的离职而停播，小仪曾表示请辞其中原因是陪伴父母，因80多岁爸爸去年身体突然出状况，有感人的脆弱，幸好爸爸康复得快，此刻陪家人比揾钱更重要。
裸辞的阮小仪终于宣布新搞作
裸辞的阮小仪表示暂未有新计划，但日前以嘉宾身分回归森美新节目《Bad Girl大过佬》后，终于宣布新搞作。小仪昨日（6日）在IG宣布将会开设YouTube频道《阮小乐园》，在片中，小仪说：「呢个乐园嚟嘅，冇任何规矩，务求希望大家喺𠮶度，你轻松时，我又轻松，总之就好玩啦。」小仪今晚（7日）推出第一条片播出，获不少网民留言支持。
相关阅读：《早霸王》最后一集森美泪别小仪 深情告白「我了解小仪」感情不言而喻：佢赢我嘅地方好多
小仪YouTube频道《阮小乐园》第一段影片首播
小仪新开设的YouTube频道《阮小乐园》今晚播出第一段影片，一开始记录小仪宣布离开商台到最后一日做节目的心路历程。当日朝早云妮（Vani）在节目上播出吴奇隆的《祝你一路顺风》，小仪分享了一个小秘密：「其实呢个系我喺广告部嘅秘密，𠮶阵我系暑期工，因为要返理大读书，当时有个同事叫余广志，系我第一个大佬，𠮶阵佢系一台有个节目，佢送咗呢首歌，估唔喺我今日last day呢个时间，呢首歌又再出现，真系好得意。」小仪离开商台前，与在门外等候的fans一一道别兼影大合照。
小仪慢慢会习惯离开多年工作岗位改变
对于离开多年的工作岗位，生活上有改变？小仪说：「我觉应该慢慢会习惯，因为始终完全冇离开903𠮶种感觉，可能因为仲听紧收音机，WhatsApp又会同啲同事有联络，只系朝早可以晏少少起身，夜晚同朋友食饭唔使早啲走。但系呢个月好得意，有好多空群而出嘅祝福说话，其实我走咗唔需要加油，而家可以叹我嘅人生，原来我喺呢30年里面嘅角色，令大家好似睇住我长大，所以真系好多谢大家。」小仪还说：「我嚟紧会睇番大家嘅留言，亦希望大家会继续留言，其实每一个人都以为我真系有新嘅工作，好老实系有构思过，我真系会做一啲新嘢，不过大家要畀啲时间我，我会做住学，希望可以做到最好，大家唔好当我系KOL，我只想记录一啲我自己嘅嘢。」
相关阅读：小仪宣布辞职10月底退出《早霸王》 効力商台近30年今早爆震撼弹 感性发文：对唔住，我想行开下
