曾比特完約環球成功轉會 爆炸頭男變爆肌鬈毛型男 獲新東家英皇發帖慶生粉絲狂賀：天大喜訊
發佈時間：14:00 2025-11-07 HKT
現年32歲的曾比特（Mike），早於2019年因參加ViuTV節目《全民造星II》取得第8名而為人所知，其後他獲當時導師之一的Eric Kwok賞識，在2020年被引薦加入環球唱片，翌年1月正式出道。至2022年起，曾比特積極開發內地市場，參加《聲生不息》憑翻唱林志美《初戀》一曲在內地打開知名度，近年曾比特香港內地兩邊走，前途大好。
近月傳曾比特已完約環球唱片
不過，近月盛傳曾比特已經與環球唱片完約，一直有傳他的新東家為英皇娛樂，早前他更與金牌經理人Mani一同出席活動被拍到，令曾比特加盟英皇一事甚囂塵上。今日（11月7日）是曾比特生日，他在社交平台分布一張新照，留言說：「Hello, 32 — new chapter, new fire.」而英皇娛樂的官方IG帳號亦在其帖文下留言說：「Happy Birthday Mike! Welcome to EEG family❤️」正式官宣曾比特加盟英皇，不少粉絲都在帖文中留言向偶像表示祝賀。
英皇娛樂IG發文：愉快嶄新嘅新旅程
同時，英皇娛樂亦在IG及新帖文，祝曾比特生日快樂，並留言說：「Mike 生日快樂！祝你有一個愉快嶄新嘅新旅程，更多精彩奇遇即將發生…stay tuned with EEG Family」不少曾比特粉絲都留言表示恭喜，有網民留言說：「天大喜訊，期待Mike揭開精彩的新里程」、「期待新旅程。。期待新歌sssss!」
Mike表示每個星期做足六日gym，無論當日工作與否，都風雨不改每次做足兩個鐘，展現新開始的決心。對於簽約Mike，英皇娛樂集團營運總裁霍汶希（Mani）表示：「《造星》時間已經有留意佢，不過一直未有機會合作。我哋睇到佢唔只係一個有才華嘅歌手，更係一個對音樂有堅持、肯不斷突破自己嘅藝人，亦都好欣賞佢對音樂嘅熱誠同埋嗰份純真。」後來二人於一個場合認識後成為朋友，「呢個緣分就係咁開始，一直都想同佢合作，終於有機會合作到。相信佢加入公司之後，一定會帶俾大家更多驚喜。」提到加盟新公司契機，Mike指一切都是綠份，「係一個好自然嘅過程，雙方對音樂嘅理念好夾，感覺啱Channel，所以就決定一齊開展音樂新旅程啦！」
曾比特表示最想與老闆合作
加入新公司，歌迷最關心的，當然是幾時有新歌聽，Mike就話：「慢工出細貨！想俾大家見到唔一樣嘅曾比特，所以喺揀歌上面都花咗唔少時間，同A&R都開咗好多會，希望呈現到一個最好嘅效果俾大家。」至於開show，Mike則霸氣回應：「絕對會！」但他亦十分老實，「現階段歌曲嘅數量都比較不足，所以大家俾少少時間我，先用唔同嘅新歌去轟炸大家，等所有嘢準備好就會同大家開一個盛大嘅party。」他笑言已經問定老闆、英皇集團主席楊受成博士，「我已經事先問定老闆，老闆應該叫我去啟德唱，希望唔係啟德地鐵站，哈哈。」
提到公司眾多猛人，最想跟哪一位合作，他竟然將目標指向老闆！「希望可以同老闆合作出一首歌，因為平時都係聽老闆演講，但係甚少聽佢唱歌，所以我希望今次我入到嚟可以令老闆開金口，哈哈。」這願望認真特別！他續說終極期望是跟公每一位都合作一次。出碟則是短期目標，「當然要focus音樂同唱歌，同埋喺香港做返多啲show。」他又強調：「我覺得我係Live型歌手，一直好想透過Live同大家近距離接觸，將我嘅音樂上嘅能量傳遞俾大家。」
