曾比特完约环球成功转会 爆炸头男变爆肌鬈毛型男 获新东家英皇发帖庆生粉丝狂贺：天大喜讯
发布时间：14:00 2025-11-07 HKT
现年32岁的曾比特（Mike），早于2019年因参加ViuTV节目《全民造星II》取得第8名而为人所知，其后他获当时导师之一的Eric Kwok赏识，在2020年被引荐加入环球唱片，翌年1月正式出道。至2022年起，曾比特积极开发内地市场，参加《声生不息》凭翻唱林志美《初恋》一曲在内地打开知名度，近年曾比特香港内地两边走，前途大好。
近月传曾比特已完约环球唱片
不过，近月盛传曾比特已经与环球唱片完约，一直有传他的新东家为英皇娱乐，早前他更与金牌经理人Mani一同出席活动被拍到，令曾比特加盟英皇一事甚嚣尘上。今日（11月7日）是曾比特生日，他在社交平台分布一张新照，留言说：「Hello, 32 — new chapter, new fire.」而英皇娱乐的官方IG帐号亦在其帖文下留言说：「Happy Birthday Mike! Welcome to EEG family❤️」正式官宣曾比特加盟英皇，不少粉丝都在帖文中留言向偶像表示祝贺。
英皇娱乐IG发文：愉快崭新嘅新旅程
同时，英皇娱乐亦在IG及新帖文，祝曾比特生日快乐，并留言说：「Mike 生日快乐！祝你有一个愉快崭新嘅新旅程，更多精彩奇遇即将发生…stay tuned with EEG Family」不少曾比特粉丝都留言表示恭喜，有网民留言说：「天大喜讯，期待Mike揭开精彩的新里程」、「期待新旅程。。期待新歌sssss!」
Mike表示每个星期做足六日gym，无论当日工作与否，都风雨不改每次做足两个钟，展现新开始的决心。对于签约Mike，英皇娱乐集团营运总裁霍汶希（Mani）表示：「《造星》时间已经有留意佢，不过一直未有机会合作。我哋睇到佢唔只系一个有才华嘅歌手，更系一个对音乐有坚持、肯不断突破自己嘅艺人，亦都好欣赏佢对音乐嘅热诚同埋𠮶份纯真。」后来二人于一个场合认识后成为朋友，「呢个缘分就系咁开始，一直都想同佢合作，终于有机会合作到。相信佢加入公司之后，一定会带俾大家更多惊喜。」提到加盟新公司契机，Mike指一切都是绿份，「系一个好自然嘅过程，双方对音乐嘅理念好夹，感觉啱Channel，所以就决定一齐开展音乐新旅程啦！」
曾比特表示最想与老板合作
加入新公司，歌迷最关心的，当然是几时有新歌听，Mike就话：「慢工出细货！想俾大家见到唔一样嘅曾比特，所以喺拣歌上面都花咗唔少时间，同A&R都开咗好多会，希望呈现到一个最好嘅效果俾大家。」至于开show，Mike则霸气回应：「绝对会！」但他亦十分老实，「现阶段歌曲嘅数量都比较不足，所以大家俾少少时间我，先用唔同嘅新歌去轰炸大家，等所有嘢准备好就会同大家开一个盛大嘅party。」他笑言已经问定老板、英皇集团主席杨受成博士，「我已经事先问定老板，老板应该叫我去启德唱，希望唔系启德地铁站，哈哈。」
提到公司众多猛人，最想跟哪一位合作，他竟然将目标指向老板！「希望可以同老板合作出一首歌，因为平时都系听老板演讲，但系甚少听佢唱歌，所以我希望今次我入到嚟可以令老板开金口，哈哈。」这愿望认真特别！他续说终极期望是跟公每一位都合作一次。出碟则是短期目标，「当然要focus音乐同唱歌，同埋喺香港做返多啲show。」他又强调：「我觉得我系Live型歌手，一直好想透过Live同大家近距离接触，将我嘅音乐上嘅能量传递俾大家。」
