魯振順揭曾與TVB藝員管理部負責人鬧翻直指與當年行內姓焦師兄有關一度提出與無綫解約

更新時間：10:00 2025-10-31 HKT
發佈時間：10:00 2025-10-31 HKT

早前宣布已離巢TVB、現年67歲的魯振順，1978年時參加第八期無綫藝員訓練班入行，參演過無數劇集角色，包括《笑傲江湖》的東方不敗、《楚漢驕雄》的蕭何等。自從離巢TVB後魯振順曝光率大減，早前資深傳媒人汪曼玲曾透露，魯振順偶爾會在酒樓演唱表演搵食。

魯振順接受前TVB監製伍潤泉訪問

近日魯振順接受前TVB及亞視監製伍潤泉訪問，他在訪談中透露，當年加入從藝訓班畢業加入TVB4年後，曾與時任TVB藝員管理部負責人鬧翻。他說：「加入TVB4年後發生咗啲唔係好開心嘅嘢，就係管理我哋藝員部嘅人，同佢有少少拗撬，其實同我哋（藝訓班）師兄有關，姓焦㗎。佢話我恐嚇佢，話我唔接佢嘅電視劇。」

魯振順被指推job拒接劇

魯振順續說：「因為點解我唔接呢？因為我拍得太多《上海灘龍虎鬥》咁樣嘅劇，跟住有部叫做《古董》嘅劇。經常跟住阿銘sir（劉兆銘）出出入入，咁啱我自己出面，我家姐幫我開咗一間電影製作公司，有啲數目未清，好多爛攤子，因為個電影公司名我係登記，好多嘢都要我上身，即係我應付唔到那些人，變咗我話，不如可唔可以俾我啲師兄弟嘗試做呢個角色？你下次再畀個機會我。果頭掛掉電話，之後便call機響，嗰時仲係用call機，一響之後就係何生打嚟，佢第一句就問候我阿媽，我嚇咗一陣，點解講粗口，佢話，你個xxx啊，你唔接戲啊，我話唔係啊，我發生咗啲事，所以就變咗咁，佢話，你講就係啊？我話，如果咁樣不如解約啦，提早解約，（佢話）你話解就解啊！唔得，你聽日返嚟！」

↓立即下載星島頭條App↓