鲁振顺揭曾与TVB艺员管理部负责人闹翻直指与当年行内姓焦师兄有关一度提出与无线解约

更新时间：10:00 2025-10-31 HKT
发布时间：10:00 2025-10-31 HKT

早前宣布已离巢TVB、现年67岁的鲁振顺，1978年时参加第八期无线艺员训练班入行，参演过无数剧集角色，包括《笑傲江湖》的东方不败、《楚汉骄雄》的萧何等。自从离巢TVB后鲁振顺曝光率大减，早前资深传媒人汪曼玲曾透露，鲁振顺偶尔会在酒楼演唱表演揾食。

鲁振顺接受前TVB监制伍润泉访问

近日鲁振顺接受前TVB及亚视监制伍润泉访问，他在访谈中透露，当年加入从艺训班毕业加入TVB4年后，曾与时任TVB艺员管理部负责人闹翻。他说：「加入TVB4年后发生咗啲唔系好开心嘅嘢，就系管理我哋艺员部嘅人，同佢有少少拗撬，其实同我哋（艺训班）师兄有关，姓焦㗎。佢话我恐吓佢，话我唔接佢嘅电视剧。」

鲁振顺被指推job拒接剧

鲁振顺续说：「因为点解我唔接呢？因为我拍得太多《上海滩龙虎斗》咁样嘅剧，跟住有部叫做《古董》嘅剧。经常跟住阿铭sir（刘兆铭）出出入入，咁啱我自己出面，我家姐帮我开咗一间电影制作公司，有啲数目未清，好多烂摊子，因为个电影公司名我系登记，好多嘢都要我上身，即系我应付唔到那些人，变咗我话，不如可唔可以俾我啲师兄弟尝试做呢个角色？你下次再畀个机会我。果头挂掉电话，之后便call机响，𠮶时仲系用call机，一响之后就系何生打嚟，佢第一句就问候我阿妈，我吓咗一阵，点解讲粗口，佢话，你个xxx啊，你唔接戏啊，我话唔系啊，我发生咗啲事，所以就变咗咁，佢话，你讲就系啊？我话，如果咁样不如解约啦，提早解约，（佢话）你话解就解啊！唔得，你听日返嚟！」

↓立即下载星岛头条App↓