MC新歌《168.5》邀Billy Choi合作 自嘲身高：最緊要有自信
發佈時間：15:15 2025-10-10 HKT
2025年是MC張天賦在歌手路上產量極高的一年，除了由年頭始啟動 #project1201，年中推出新碟《Sweet & Sour》之外，今日推出本年度第三首新歌《168.5（feat.BILLY CHOI）》。
MC張天賦多產
密鑼緊鼓籌備下一張大碟的MC，揉合不同題材、曲風，故望能製作hip hop歌，於是邀請Billy Choi合作，沒想到二人因為「身高」一拍即合。MC說：「因為呢首歌，我哋第一次見面，我相信我地雙方都有『審視』過大家嘅。咁就覺得攞『身高』嚟做題材都幾好喎！互相鼓勵吓大家囉！」Billy亦搞笑說︰「大家都有個共通點咁，哈哈！我有聽MC嘅歌㗎！我記得我曾經係社交平台用密友形式分享過MC嘅《時候不早》，嗰陣時畀朋友笑，我同佢地講你地睇住嚟，我終有一日會同MC一齊整隻歌！today is the day！」新歌《168.5》是想分享縱使身高可能未達世俗眼光「標準」，但MC認為最重要的是需要擁有自信，用實力「再創新高」。MV更找來香港拳擊運動員曹星如、花式足球員吳梓禧、香港劍球運動員潘昊臨及職業健美選手Johnson Chan等人參與演出。
Billy分享當日拍攝MV經歷：「炒航拍機幾好笑，即係我唔應該笑，但我覺得係幾好笑！」MC則分享說：「我覺得都有幾多經歷㗎，Billy企巴士上面腳震，震咗架巴士幾下，哈哈！我覺得今次呢個MV係我咁多個MV之中最開心嘅一個！因為有兩個人拍MV，一來可以分擔咗啲嘢啦，休息嘅時間多咗啦，第二就係實在有一班太犀利嘅人參與呢個MV而且係令我估唔到！我哋今日有打泰拳嘅人啦，有Rex曹星如啦，亦都有玩劍玉同埋花式足球等等，全部都係啲好叻嘅人，所以佢地都令我對呢首歌嘅信心再大咗！希望呢首歌可以傳遞到正面嘅訊息畀大家！」
他們異口同聲說︰「各位男仔！168.5絕對唔矮！發揮你嘅天賦，發揮你嘅潛能！最緊要有自信！」此外，他們最後更化身「主持」訪問香港拳擊運動員曹星如，得知對方真實身高時是171cm時，Billy不禁反問MC，「佢身高170，但我地兩個企埋佢隔離高過佢，會唔會好奇怪？」惹得全場大笑！MC立即搞笑地叫同事：「唔好影腳！唔好影腳！」
