MC新歌《168.5》邀Billy Choi合作 自嘲身高：最紧要有自信
发布时间：15:15 2025-10-10 HKT
2025年是MC张天赋在歌手路上产量极高的一年，除了由年头始启动 #project1201，年中推出新碟《Sweet & Sour》之外，今日推出本年度第三首新歌《168.5（feat.BILLY CHOI）》。
MC张天赋多产
密锣紧鼓筹备下一张大碟的MC，揉合不同题材、曲风，故望能制作hip hop歌，于是邀请Billy Choi合作，没想到二人因为「身高」一拍即合。MC说：「因为呢首歌，我哋第一次见面，我相信我地双方都有『审视』过大家嘅。咁就觉得攞『身高』嚟做题材都几好㖞！互相鼓励吓大家啰！」Billy亦搞笑说︰「大家都有个共通点咁，哈哈！我有听MC嘅歌㗎！我记得我曾经系社交平台用密友形式分享过MC嘅《时候不早》，𠮶阵时畀朋友笑，我同佢地讲你地睇住嚟，我终有一日会同MC一齐整只歌！today is the day！」新歌《168.5》是想分享纵使身高可能未达世俗眼光「标准」，但MC认为最重要的是需要拥有自信，用实力「再创新高」。MV更找来香港拳击运动员曹星如、花式足球员吴梓禧、香港剑球运动员潘昊临及职业健美选手Johnson Chan等人参与演出。
Billy分享当日拍摄MV经历：「炒航拍机几好笑，即系我唔应该笑，但我觉得系几好笑！」MC则分享说：「我觉得都有几多经历㗎，Billy企巴士上面脚震，震咗架巴士几下，哈哈！我觉得今次呢个MV系我咁多个MV之中最开心嘅一个！因为有两个人拍MV，一来可以分担咗啲嘢啦，休息嘅时间多咗啦，第二就系实在有一班太犀利嘅人参与呢个MV而且系令我估唔到！我哋今日有打泰拳嘅人啦，有Rex曹星如啦，亦都有玩剑玉同埋花式足球等等，全部都系啲好叻嘅人，所以佢地都令我对呢首歌嘅信心再大咗！希望呢首歌可以传递到正面嘅讯息畀大家！」
他们异口同声说︰「各位男仔！168.5绝对唔矮！发挥你嘅天赋，发挥你嘅潜能！最紧要有自信！」此外，他们最后更化身「主持」访问香港拳击运动员曹星如，得知对方真实身高时是171cm时，Billy不禁反问MC，「佢身高170，但我地两个企埋佢隔离高过佢，会唔会好奇怪？」惹得全场大笑！MC立即搞笑地叫同事：「唔好影脚！唔好影脚！」
