笨蕉大劇院丨Will柯煒林終如願演出 謝幕哽咽不想被標籤做病人 保持生活如常承諾做好呢件事
發佈時間：13:15 2025-09-06 HKT
現年33歲的柯煒林（Will Or）今年7月驚爆患肺腺癌四期，自封做「抗癌小廢青」的柯煒林表示目前仍可如常生活，可以食藥控制兼不需要做標靶藥以外的治療，他還說：「我會努力去打贏佢，但喺打仗或共存前，我要接受有可能輸，因為接受可能輸嘅時候，就冇嘢再驚，剩下嘅就係好好向前行。」
柯煒林驚現「老鼠仔」狀態很fit
柯煒林原定於8月8日起演出50場《笨蕉大劇院》，不過經劇組仔細考量，決定柯煒林的角色由演員余家溢補上，柯煒林仍如常參與劇團綵排。在首場驚喜現身並向觀眾承諾：「放心，我冇事。我會照顧好自己嘅身體，然之後再喺呢度表演畀大家睇。」昨晚（5日）進行的第25場，柯煒林終如登場演出，穿上背心的柯煒林一雙手臂皆有「老鼠仔」，身形狀態都很fit。
相關閱讀：33歲柯煒林確診肺腺癌第四期 宣布暫時停工：開始食鏢靶藥
《笨蕉大劇院》昨日在社交平台出Po宣布柯煒林將會在出場：「第25場 Happy Friday！Will嘅業務用酒粒出場喇！再次多謝大家對Will嘅關心同慰問，佢已經準備好今晚嘅演出！《笨蕉大劇院》團隊依然會以佢嘅身體狀況為首要考量，希望Will能夠有充分休息，所以其後Wilson之角色將分別由Will或余家溢出演，而不作另行通知，懇請大家多多支持及體諒！」演出過後，柯煒林與林海峰（Jan）、葛民輝及韋羅莎等演員一同謝幕，自從確診肺腺癌第四期後，柯煒林自覺經歷了一段很長的時間，雖然有一刻覺得自己有點不幸，但亦因為這個不幸，令《笨蕉大劇院》所有人陪他度過，他又說：「我唔想大家只係記得我有呢個病嘅人，大家認識我係一個演員，我好少去講私人事情及演戲以外嘅東西，因我自覺係一啲演員嘅本份。 如果唔係有呢個舞台劇，我未必會講自己有病呢件事，但亦因為我公布咗，而得到咁多嘅愛。我希望下一步，可以帶到更多好嘅作品畀大家。」
對於今次首度演出，柯煒林說：「今晚（噚晚）係我第一次踩上個舞台，但我係畀大家引走咗，因為觀眾嘅魔力真係好大，其實除咗因為個病，學咗啲嘢外，啱啱嘅呢一課，同埋對住你哋，我好似喺演員本份上又學多咗一課。我希望可以繼續、繼續、繼續、繼續演戲演落去，因為呢個就係我嘅生活，我話要保持生活如常、如常生活，點解我要返嚟？就係咁嘅原因。」柯煒林略帶激動地說：「呢段時間除咗我嘅屋企人之外，陪我行呢條路嘅……我同你哋唔係好熟架咋…但係就因為有佢哋，我喺呢段路行得比較輕鬆，所以我會繼續演好每一個畀我嘅角色，做好演員嘅本份。」其後林海峰亦在IG貼上柯煒林的謝幕相並留言：「今晚係Will嘅第一場，笨蕉第25場，希望笨蕉越做越好，身體越嚟越好！到時唔好話放風箏放熱氣球，放火箭放穿梭機都得！」
相關閱讀：笨蕉大劇院丨柯煒林驚喜現身首演謝幕 掩面抹淚 : 你哋會等我㗎嘛？ 林海峰呼籲留言「要身體好」為對方打氣
