笨蕉大剧院丨Will柯炜林终如愿演出 谢幕哽咽不想被标签做病人 保持生活如常承诺做好呢件事
发布时间：13:15 2025-09-06 HKT
现年33岁的柯炜林（Will Or）今年7月惊爆患肺腺癌四期，自封做「抗癌小废青」的柯炜林表示目前仍可如常生活，可以食药控制兼不需要做标靶药以外的治疗，他还说：「我会努力去打赢佢，但喺打仗或共存前，我要接受有可能输，因为接受可能输嘅时候，就冇嘢再惊，剩下嘅就系好好向前行。」
柯炜林惊现「老鼠仔」状态很fit
柯炜林原定于8月8日起演出50场《笨蕉大剧院》，不过经剧组仔细考量，决定柯炜林的角色由演员余家溢补上，柯炜林仍如常参与剧团彩排。在首场惊喜现身并向观众承诺：「放心，我冇事。我会照顾好自己嘅身体，然之后再喺呢度表演畀大家睇。」昨晚（5日）进行的第25场，柯炜林终如登场演出，穿上背心的柯炜林一双手臂皆有「老鼠仔」，身形状态都很fit。
相关阅读：33岁柯炜林确诊肺腺癌第四期 宣布暂时停工：开始食镖靶药
《笨蕉大剧院》昨日在社交平台出Po宣布柯炜林将会在出场：「第25场 Happy Friday！Will嘅业务用酒粒出场喇！再次多谢大家对Will嘅关心同慰问，佢已经准备好今晚嘅演出！《笨蕉大剧院》团队依然会以佢嘅身体状况为首要考量，希望Will能够有充分休息，所以其后Wilson之角色将分别由Will或余家溢出演，而不作另行通知，恳请大家多多支持及体谅！」演出过后，柯炜林与林海峰（Jan）、葛民辉及韦罗莎等演员一同谢幕，自从确诊肺腺癌第四期后，柯炜林自觉经历了一段很长的时间，虽然有一刻觉得自己有点不幸，但亦因为这个不幸，令《笨蕉大剧院》所有人陪他度过，他又说：「我唔想大家只系记得我有呢个病嘅人，大家认识我系一个演员，我好少去讲私人事情及演戏以外嘅东西，因我自觉系一啲演员嘅本份。 如果唔系有呢个舞台剧，我未必会讲自己有病呢件事，但亦因为我公布咗，而得到咁多嘅爱。我希望下一步，可以带到更多好嘅作品畀大家。」
对于今次首度演出，柯炜林说：「今晚（㖊晚）系我第一次踩上个舞台，但我系畀大家引走咗，因为观众嘅魔力真系好大，其实除咗因为个病，学咗啲嘢外，啱啱嘅呢一课，同埋对住你哋，我好似喺演员本份上又学多咗一课。我希望可以继续、继续、继续、继续演戏演落去，因为呢个就系我嘅生活，我话要保持生活如常、如常生活，点解我要返嚟？就系咁嘅原因。」柯炜林略带激动地说：「呢段时间除咗我嘅屋企人之外，陪我行呢条路嘅……我同你哋唔系好熟架咋…但系就因为有佢哋，我喺呢段路行得比较轻松，所以我会继续演好每一个畀我嘅角色，做好演员嘅本份。」其后林海峰亦在IG贴上柯炜林的谢幕相并留言：「今晚系Will嘅第一场，笨蕉第25场，希望笨蕉越做越好，身体越嚟越好！到时唔好话放风筝放热气球，放火箭放穿梭机都得！」
相关阅读：笨蕉大剧院丨柯炜林惊喜现身首演谢幕 掩面抹泪 : 你哋会等我㗎嘛？ 林海峰呼吁留言「要身体好」为对方打气
