前TVB高層自爆生理構造特別需用乳貼：我都係三點不露 親手為80年代艷星量度一部位尺寸
發佈時間：10:00 2025-09-06 HKT
59歲葉子楣（ Amy）是8、90年代的性感女神，當年由亞視轉投電影，憑三級片《玉蒲團之偷情寶鑑》而走紅，不過在1992年與脊骨神經科醫生呂錫照拍拖後，葉子楣為愛情放棄事業，神隱30年享受家庭生活。
葉子楣驕人身材是大眾焦點
在2018年，呂錫照在飛機上突然心臟病發猝逝，葉子楣與黃百鳴和陳欣健等昔日好友重遇後，終於走出陰霾再現人前，參與演藝活動的同時，還在馬來西亞投資酒店業。多年來葉子楣的驕人身材是大眾焦點，近日葉子楣接受陳志雲的YouTube頻道訪問，揭開36吋胸、22吋腰的煉成大法。陳志雲更在節目中用手量度葉子楣大腿的尺寸，幼得令陳志雲驚訝。
相關閱讀：「波霸」葉子楣提早迎59歲搞奢華生日派對 芭比造型惹熱議 六星級酒店豪擺11席
陳志雲自爆寧用乳貼三點不露
葉子楣轉戰電影後，拍過不少三級風月片，但多年來一直堅守三點不露，葉子楣在節目上說：「我一入娛樂圈就有呢個決定，我覺得拍乜都可以，但係要講清楚，我覺得點都要有啲神秘感，如果咁快露晒就冇乜意思，我每次拍片都有黐膠紙，只係拍到好盡，而家唔使拍戲，咪冇再黐。」陳志雲自爆他都是三點不露：「我自己都好容易突出嚟，唔係拍戲都要黐，如果着一件薄啲嘅T恤，成日都會飛，我試過買過嚟貼，不過撕落嚟好痛，喺日本有啲係畀男士用，或者成日會加件外套，唔會尷尬。」在葉子楣事業高峯期，曾有片商開價800萬要求她露三點，但她依然不為所動：「呢個係我嘅堅持，就算幾多錢都唔會，唔係搵夠，只係堅持自己嘅原則。 」葉子楣亦曾被問價，但她亦不感興趣：「幾多錢就唔好講，但係我知道係邊個，佢叫人哋問我，佢都傻傻哋，如果我應承，咪全部人知道晒？呢啲唔係買賣。」
葉子楣稱呂錫照是一生最愛
葉子楣遇上呂錫照後，洗盡鉛華做其背後的人，可惜最後呂錫照在2018年猝逝，未能一齊走下去，葉子楣說：「我已經同佢講佢係唔適合坐飛機，因為佢嘅心瓣識開唔識閂，不過因為佢係脊醫，如果做手術要將肋骨拎出嚟，佢咪唔做，寧願成日check住。」葉子楣續說：「佢係去到日本唔舒服，喺醫院度走，係突然，不過有心理準備，我哋每一朝都會sends啲早晨圖片，但係嗰次我sends短訊畀佢冇反應，到咗第二日，佢屋企人嚟晒我屋企，要當面同我講呢件事，我已經知乜嘢事，初初我好冷靜，到佢哋走咗就忍唔到。」葉子楣至今仍不時掛念男友：「所有唔喺度嘅人都會掛住，人就係咁，所以應該要珍惜。」陳志雲亦問到有否說話想親口對他說？葉子楣沉默了一會後，哽咽地說：「我好多謝你陪咗我26年，喺呢26年雖然我將自己收埋對住你，但係我都覺得好開心，因為你係我人生裡面最愛嘅，又好緊張我，你永遠喺我身邊，我好多謝你，I love you!」
相關閱讀：90年代首席「三級女神」喪夫近廿年有新歡？髮型界總監級人物型到似明星 花數十萬裝修租住單位
