前TVB高层自爆生理构造特别需用乳贴：我都系三点不露 亲手为80年代艳星量度一部位尺寸
发布时间：10:00 2025-09-06 HKT
59岁叶子楣（ Amy）是8、90年代的性感女神，当年由亚视转投电影，凭三级片《玉蒲团之偷情宝鉴》而走红，不过在1992年与脊骨神经科医生吕锡照拍拖后，叶子楣为爱情放弃事业，神隐30年享受家庭生活。
叶子楣骄人身材是大众焦点
在2018年，吕锡照在飞机上突然心脏病发猝逝，叶子楣与黄百鸣和陈欣健等昔日好友重遇后，终于走出阴霾再现人前，参与演艺活动的同时，还在马来西亚投资酒店业。多年来叶子楣的骄人身材是大众焦点，近日叶子楣接受陈志云的YouTube频道访问，揭开36吋胸、22吋腰的炼成大法。陈志云更在节目中用手量度叶子楣大腿的尺寸，幼得令陈志云惊讶。
相关阅读：「波霸」叶子楣提早迎59岁搞奢华生日派对 芭比造型惹热议 六星级酒店豪摆11席
陈志云自爆宁用乳贴三点不露
叶子楣转战电影后，拍过不少三级风月片，但多年来一直坚守三点不露，叶子楣在节目上说：「我一入娱乐圈就有呢个决定，我觉得拍乜都可以，但系要讲清楚，我觉得点都要有啲神秘感，如果咁快露晒就冇乜意思，我每次拍片都有黐胶纸，只系拍到好尽，而家唔使拍戏，咪冇再黐。」陈志云自爆他都是三点不露：「我自己都好容易突出嚟，唔系拍戏都要黐，如果着一件薄啲嘅T恤，成日都会飞，我试过买过嚟贴，不过撕落嚟好痛，喺日本有啲系畀男士用，或者成日会加件外套，唔会尴尬。」在叶子楣事业高峰期，曾有片商开价800万要求她露三点，但她依然不为所动：「呢个系我嘅坚持，就算几多钱都唔会，唔系揾够，只系坚持自己嘅原则。 」叶子楣亦曾被问价，但她亦不感兴趣：「几多钱就唔好讲，但系我知道系边个，佢叫人哋问我，佢都傻傻哋，如果我应承，咪全部人知道晒？呢啲唔系买卖。」
叶子楣称吕锡照是一生最爱
叶子楣遇上吕锡照后，洗尽铅华做其背后的人，可惜最后吕锡照在2018年猝逝，未能一齐走下去，叶子楣说：「我已经同佢讲佢系唔适合坐飞机，因为佢嘅心瓣识开唔识闩，不过因为佢系脊医，如果做手术要将肋骨拎出嚟，佢咪唔做，宁愿成日check住。」叶子楣续说：「佢系去到日本唔舒服，喺医院度走，系突然，不过有心理准备，我哋每一朝都会sends啲早晨图片，但系𠮶次我sends短讯畀佢冇反应，到咗第二日，佢屋企人嚟晒我屋企，要当面同我讲呢件事，我已经知乜嘢事，初初我好冷静，到佢哋走咗就忍唔到。」叶子楣至今仍不时挂念男友：「所有唔喺度嘅人都会挂住，人就系咁，所以应该要珍惜。」陈志云亦问到有否说话想亲口对他说？叶子楣沉默了一会后，哽咽地说：「我好多谢你陪咗我26年，喺呢26年虽然我将自己收埋对住你，但系我都觉得好开心，因为你系我人生里面最爱嘅，又好紧张我，你永远喺我身边，我好多谢你，I love you!」
相关阅读：90年代首席「三级女神」丧夫近廿年有新欢？发型界总监级人物型到似明星 花数十万装修租住单位
