55歲移民男星曝光索爆家姐樣貌 為過節繞半個地球探望 家族富貴擁16個大球場土地
發佈時間：15:00 2025-08-13 HKT
55歲的喬寶寶在香港長大，十多年前突然舉家移民蘇格蘭，他曾透露自己不想移民，卻不可以自私，因為要為家人設想。喬寶寶近日在社交網公開與二家姐的合照，透露對方為趕及今年印度兄妹節，專誠飛去探他送上禮物。
喬寶寶感到幸運
喬寶寶晒出與靚女家姐的合照，感動留言：「我家姐和我嘅關係，真係遠遠不止普通兄妹咁簡單，我唔係互相扶持嘅。細個嗰陣我成日整蠱兩個家姐，但佢哋從來冇嬲過我，反而會送啲小禮物𠱁返我。呢種包容，讓我深深感受到，能喺一個充滿無條件愛嘅家庭長大，我真係好幸運。」
相關閱讀：前TVB外籍諧星晒一男拖八女全家福 住5千呎豪宅經營餐館 網民：你鄉下興一夫多妻？
喬寶寶大讚胞姊
喬寶寶指家姐好有耐心：「我家姐選擇用耐心化解衝突，用禮物代替責備，呢種主動嘅愛，造就咗我在屋企嘅核心精神：『愛係無所不在嘅』。佢哋將可能嘅裂痕變成堅韌嘅紐帶，令寬容成為我們關係嘅基石。」
喬寶寶震撼心靈
喬寶寶對家姐的心意非常感動：「最震撼我心嘅，係今年印度兄妹節（Raksha Bandhan），我家二姊特登搭飛機過嚟，親手幫我戴守護繩（Rakhi）。當條彩色絲線綁喺我手腕嗰刻，眼淚真係忍不住。呢份情，珍貴到我貪心地許願：但願生生世世，都同你要做一家人！」
喬寶寶盲婚啞嫁
喬寶寶曾透露有五位兄弟姊妹，大家姐在印度出生，其餘四人在香港出生和長大，當中以二家姐生活最好，二姐夫在加拿大經營藍莓、紅莓生意，有500畝農地，屋企逾2萬呎。喬寶寶家族亦有錢，曾透露與太太「盲婚啞嫁」，當時選中「喬嫂嫂」，主要是對方的家族與自己差不多，擁有16個大球場土地。
喬寶寶經營餐館
而喬寶寶移民蘇格蘭後，在當地經營印度餐館，又為兒子投資置業作收租之用，家住的五房兩廳複式獨立屋，達5000呎，有超大花園、迷你電影院、私人籃球場，喬寶寶被封圈中「隱形富豪」。
相關閱讀：55歲前TVB男星罕談被逼舉家移民 花五年時間適應大數優缺點：我不嬲都唔想移民
