70年代《飄零燕》童星蔡麗貞激罕現身走過死亡蔭谷化身福頭老師散播歡樂以音樂行善嚮往平凡生活

更新時間：09:00 2026-06-27 HKT
發佈時間：09:00 2026-06-27 HKT

《飄零燕》主唱者、70年代童星蔡麗貞在1972年參加TVB《聲寶之夜》唱歌比賽，成為年紀最細的冠軍得主，同年主唱無綫電視電視劇主題曲《春暉》，其後再推出個人專輯《萬事如意》及《大鄉里出城》，不過在1978年灌錄兒歌大碟《青蛙仔學跳水》後，淡出於娛樂圈。

蔡麗貞化身「福頭老師」復出

但原來蔡麗貞2010年，化身「福頭老師」復出，因創作並演唱極具魔性的洗腦兒歌《夏日熱辣辣》而再度在網絡上爆紅，當初的純情小歌后，搖身一變成為網民瘋狂膜拜嘅「香港搖滾歌姬」，憑洗腦神曲再次寫下網絡神話，成功勾起不少人集體回憶。

蔡麗貞曾經歷過一場生死大病

近日「福頭老師」蔡麗貞現身接受傳媒訪問，蔡麗貞曾經歷過一場生死大病，康復後對人生有全新領悟。蔡麗貞的人生轉捩點發生在30年前，當時因嚴重藥物敏感導致持續高燒14日，全身皮膚如燒焦般脫皮且口腔嚴重潰爛。在病情最嚴峻，蔡麗貞一度停止呼吸的瀕死瞬間，她感覺自己去到了另一個空間，畫面快速推進，眼看女兒面對痛苦煎熬，蔡媽媽的痛比她更甚，蔡麗貞說︰「嗰陣我好驚，心諗唔係咁就死咗，我好掛住媽咪，覺得喺世上好似乜都無做過咁。我媽咪仲焦急到，凡見醫生或著白袍嘅人經過，都捉住佢哋，求佢哋想辦法醫我。」最後在神父每天的開解與祈禱下，她最終死而復生並迎來心態上的大蛻變，她將身上脫落的皮視作重生的象徵，決心善用上天賜予的好聲音為盲人錄製導讀，並積極投入義工服務，實踐「透過大大的愛，做到小小嘢」的理念，現時蔡麗貞除咗擔任音樂老師，更主力做義工歌手，走入社區無條件奉獻音樂。

「福頭老師」蔡麗貞未有向外透露真正身份

不過多年來「福頭老師」蔡麗貞未有向外透露真正身份，蔡麗貞笑說：「其實我無刻意隱瞞，只係冇一個契機畀我公開講。同我合作嘅義工、坪洲街坊，甚至學校一啲同事，佢哋都知我係嗰位童星蔡麗貞，不過蔡麗貞又好、福頭老師又好，重要咩？我而家仲有一個名叫開心果，去老人院探訪，班老人家叫我做開心果，我覺得呢個先重要。」蔡麗貞坦言由《飄零燕》到《夏日熱辣辣》，出歌、出鏡，目的只有一個：「我只想帶歡樂畀大家，與名利追求無關。」蔡麗貞亦曾說：「《夏日熱辣辣》，每次有酬勞，我都會將酬金全數捐出。」回望當年童星生活，蔡麗貞說：「完全唔知紅，或咩叫紅。有次喺教堂做完彌撒，有幾位小朋友喺教堂外等我簽名，畀信我。當時我只當係筆友咁回信。後來家姐心痛我，因為fans信太多，無可能回得晒，大個咗先知係乜嘢一回事。」但對蔡麗貞而言，她只嚮往往平凡人的生活：「以前因為片場好多大人錫我，所以拍戲係開心嘅，但係返到自己同齡世界就麻麻地，加上想專心讀書，所以中學就淡出，冇唔捨得幕前擁有嘅嘢，因為我好enjoy做個普通人，過平凡日子。」