93歲胡楓受訪罕有激動回應XX問題：係一件對我健康唔好嘅事！談人生最後悔的事竟與太太有關

更新時間：14:00 2025-08-04 HKT
發佈時間：14:00 2025-08-04 HKT

現年93歲的胡楓（修哥）被譽為「影視界長青樹」，1953年考入大成公司的他，早在五十年代已展開演藝生涯。今年已93歲的胡楓在演藝圈逾半世紀，近日他接受YouTube頻道訪問時，被問到有關「退休」一事，他罕有激動回應，更表示退休「係一件對我健康唔好嘅事」。

胡楓：唔退休我都仲有啲衝勁

胡楓在演藝圈中地位崇高，近年仍然活躍幕前的他，不時都接受訪問。近日他接受YouTube頻道訪問，被主持阿Bu問到對退休的看法時，他說：「退休在我嚟講係一件對我健康唔係咁好嘅事，第二我鍾意做嘢，若果退休都唔知做咩好，仲有，有好多朋友退休咗之後，個健康直程好似滑梯咁，佢都冇啲衝勁，冇活力。」他續說：「但如果係唔退休嘅呢，咁我都日日都仲有啲衝勁，仲有唔退休會識朋友多啲。（以前後生有冇諗過退休?）以前根本冇退休呢個概念，一路做一路做，做到啲人問你幾時退休，下原來要退休㗎，我話我未典裡面冇退休呢兩個字。」

胡楓：總之隨便咁過活

當主持問到胡楓，現時活到93歲還有沒有哪些事是想做還未做到，他回答：「冇，我冇諗住要做咩，總之隨便咁過活囉，有嘢嚟我就做。或者有咩應酬我就去，呢個係我依家嘅生活。」

另外胡楓又被問到，人生有沒有甚麼後悔的事時，他感慨地說：「人生嘅事，後悔好多，兩、三樣啊，當時嚟講拍電影好忙，同啲仔女根本冇聯絡，我返到去佢哋瞓晒覺，到我起身嘅時候，佢哋返晒學，只有夜晚黑返去錫啖佢哋咁就算啦，所以對佢哋嘅童年好少同佢哋接觸，呢個都係我後悔之一。」他指當時是五十年代，亦是修哥初入行的十年，「因為事業嘅緣故忽略咗家庭家庭打理全靠太太，佢咁辛苦，自己都覺得個心好唔安落。」

↓立即下載星島頭條App↓