93岁胡枫受访罕有激动回应XX问题：系一件对我健康唔好嘅事！谈人生最后悔的事竟与太太有关

更新时间：14:00 2025-08-04 HKT
发布时间：14:00 2025-08-04 HKT

现年93岁的胡枫（修哥）被誉为「影视界长青树」，1953年考入大成公司的他，早在五十年代已展开演艺生涯。今年已93岁的胡枫在演艺圈逾半世纪，近日他接受YouTube频道访问时，被问到有关「退休」一事，他罕有激动回应，更表示退休「系一件对我健康唔好嘅事」。

胡枫：唔退休我都仲有啲冲劲

胡枫在演艺圈中地位崇高，近年仍然活跃幕前的他，不时都接受访问。近日他接受YouTube频道访问，被主持阿Bu问到对退休的看法时，他说：「退休在我嚟讲系一件对我健康唔系咁好嘅事，第二我钟意做嘢，若果退休都唔知做咩好，仲有，有好多朋友退休咗之后，个健康直程好似滑梯咁，佢都冇啲冲劲，冇活力。」他续说：「但如果系唔退休嘅呢，咁我都日日都仲有啲冲劲，仲有唔退休会识朋友多啲。（以前后生有冇谂过退休?）以前根本冇退休呢个概念，一路做一路做，做到啲人问你几时退休，下原来要退休㗎，我话我未典里面冇退休呢两个字。」

胡枫：总之随便咁过活

当主持问到胡枫，现时活到93岁还有没有哪些事是想做还未做到，他回答：「冇，我冇谂住要做咩，总之随便咁过活啰，有嘢嚟我就做。或者有咩应酬我就去，呢个系我依家嘅生活。」

另外胡枫又被问到，人生有没有甚么后悔的事时，他感慨地说：「人生嘅事，后悔好多，两、三样啊，当时嚟讲拍电影好忙，同啲仔女根本冇联络，我返到去佢哋瞓晒觉，到我起身嘅时候，佢哋返晒学，只有夜晚黑返去锡啖佢哋咁就算啦，所以对佢哋嘅童年好少同佢哋接触，呢个都系我后悔之一。」他指当时是五十年代，亦是修哥初入行的十年，「因为事业嘅缘故忽略咗家庭家庭打理全靠太太，佢咁辛苦，自己都觉得个心好唔安落。」

↓立即下载星岛头条App↓