Coffee林芊妤懷二胎再出問題？腹中BB一狀況超過醫生建議 胎兒測DNA曾存早逝風險
發佈時間：17:30 2025-08-01 HKT
35歲林芊妤（Coffee）與老公翟志榮育有一子翟德彥（伯伯），已經6歲大，二人2021年再度造人成功，可惜林芊妤不幸流產，直到今年才再有好消息公布。林芊妤已懷孕六個月，近日她在社交網分享性感比堅尼靚相，大晒孕肚稱暴肥逾10公斤。
Coffee陀B未見走樣
林芊妤近日在IG分享的照片，見到她與老公帶同兒子到越南旅行，其中一載水著相，林芊妤的孕肚越來越大外，上圍同樣豐滿不少，但手腳卻依然纖幼，而且膚質很好，未有因陀B而走樣。不過林芊妤表示有建議懷孕期間增磅在10公斤內會較好，但現時的她已比之外重11公斤，又稱有預感從原本的48公斤增重至70公斤。
相關閱讀：Coffee林芊妤有流產風險 重做T21結果有問題 持續出現流出羊水：跌至地獄感覺
Coffee每年一次旅行
林芊妤留言：「哇！有預感呢一胎我有可能會由48kg ->70kg，跟住尋日聽朋友講醫生建議懷孕期間重10kg內會好啲，我而家已經過咗啦喂59kg…正努力接受不同階段嘅自己，好好享受放肆休息同放肆食嘢嘅時候。」林芊妤表示每年暑假都會安排一家庭去旅行，而每次到最後她都會失住聲返香港：「雖然係咁但我依然覺得一年一度嘅旅行係需要嘅，去邊度有咩行程唔重要，最重要嘅係一家人一齊去玩」。
Coffee為兒子心掛掛
另外，林芊妤昨日到月子中心參觀，大讚坐月有如女王式享受：「今天去咗月子中心感受一下坐月嘅服務，哇！我想講簡直就係女王式嘅享受，除咗每日有兩位月嫂輪流服侍，同每兩星期有醫生嚟睇情況，仲有中醫師同埋產後修復療程，以及Facial一應俱全。每晚仲有人幫你洗頭抹身，一日六餐，餐餐都係大廚煮俾你食，幫你計好所有營養成分。頭先治療師幫我做咗個孕期按摩，真係舒服到瞓著，如果喺到坐完月之後，身體機能應該回復返去青春時期。可惜屋企有位彥彥令我咁掛心唔捨得。」
Coffee懷孕問題多
林芊妤在陀第一胎時，曾因胎盤前置而入院，兒子平安出世。林芊妤懷第二胎時卻不幸流產，走過陰霾的她，今次再度懷孕卻問題不少。林芊妤早前曾透露剛懷孕時有出血問題，已不能做運動，在進行無創胎兒DNA「T21測試」，發現「13號染色體異常」（帕陶氏症）有踩界情况，最壞結果有可能出現兔唇、多一隻手指、腳趾，或影響智力，小朋友甚至活不過1歲。林芊妤極希望保住胎兒，幸好之後抽羊水檢查之後，腹中胎兒於檢查中健康正常，她表示「胎兒嘅腦，血管流都冇問題，眼鼻耳身體所有都冇問題」，於無盡擔心困擾之後終於可以放下心頭大石，並安心等待BB出世。
