蔡瀾被爆曾阻倪匡偷食「媽媽生」 對黃霑女友林燕妮諸多不滿 激讚一女士：好到不得了
發佈時間：20:30 2025-07-27 HKT
被譽為「香港四大才子」之一的蔡瀾於2025年6月25日在親友陪同下，於香港養和醫院安詳離世，享年83歲。蔡瀾為免叨擾親朋，儀式辦完才允公開，蔡瀾的骨灰已經運返到新加坡安置。
蔡瀾生前在娛樂圈廣結善緣，對於他的離去當然不捨，鍾慧冰日前在YouTube頻道《蔡瀾花樣人生》上，鍾慧冰透露本身與「香港四大才子」中的黃霑最為老友，與蔡瀾亦有不少合作機會，還試過一齊去玩，鍾慧冰說：「當年倪匡追求一位媽媽生，倪匡去北角接媽媽生，倪匡一走蔡瀾就鬧：『咁醜又唔靚，麻麻煩煩』，好驚倪匡真係愛上呢位媽媽生。」
相關閱讀：蔡瀾離世丨蔡瀾臨終細節曝光 儀式辦完才允公開 最後時光沒半點痛苦：睡夢中安詳地離去
倪匡曾自認風流成性
已故香港四大才子之一的倪匡曾自認風流成性，在事業高峰期時，他有一半稿費給太太做家用，另一半用作喝酒和其他女人身上，倪匡更曾自爆戀上夜總會「媽媽生」，但強調最愛只有太太李果珍，絕不容許其他女人用懷孕來要脅他離婚，到了1992年，浪子回頭的倪匡為了挽回婚姻，決定與太太移民到美國重過新生活：「嗰陣老婆同我講，我哋有過開心嘅日子，就係我個褲袋得幾蚊嘅時候。其實佢一直都知我去花天酒地，但為咗個家，佢先唔想出聲，我想將之後嘅日子都用嚟陪佢，就算我剩返最後一口氣，我都想留喺佢身邊。」結果倪匡由「風流浪子」變「愛妻號」，對太太千依百順。到了2019年，倪匡透露太太患上腦退化症，倪匡對太太不離不棄，減少工作。
相關閱讀：蔡瀾離世丨年輕時交往女友遍及亞洲 婚後從未曾出軌曾為救愛妻股頸骨摔碎
蔡瀾曾阻倪匡偷食
鍾慧冰在節目上稱蔡瀾只不過表面風流，實際是傳統顧家兼有責任感的好男人，對於兩位老友倪匡和黃霑的出軌對象相當反感，有彈無讚。鍾慧冰透露當年三子主持亞視《今夜不設防》，每次拍攝完都會飲酒作樂，鍾慧冰亦有幸一齊去玩，她說：「嗰陣倪匡追求一位媽媽生（舞小姐領班），蔡瀾喺訪問中講過晒，而家唔介意講，如果未講過我唔敢講。我哋去卡拉ok唱歌，倪匡去北角接媽媽生，倪匡一走蔡瀾就鬧：『咁醜樣又唔靚，點解我鐘意呢樣？麻麻煩煩』」鍾慧冰還稱倪匡喜歡的媽媽生樣貌不俗又嫵媚，說話很嬌嗲，只是身材嬌小「五呎爭吋半」：「嗰陣佢每次出現都好忙，傳呼機係咁響，要行去拎電話，大家都對佢好不滿，但係倪匡好就佢，成日都鬧倪匡。蔡生對媽媽生態度惡劣、好不滿，佢好驚倪匡真係愛上呢位媽媽生，蔡生心裏面好錫倪太，好驚佢出事，所以喺倪匡面前盡力踩媽媽生：『唔好㗎，嘥咁多錢好貴』。」
另外，鍾慧冰又稱蔡瀾對黃霑婚外情對象林燕妮亦有微言，覺得對方有公主病經常遲到，反而對黃霑第三任太太Winnie讚不絕口，是世間少有的好女人：「簡直係金庸筆下嘅小雙，服侍周到 ，簡直好到不得了」。
