黃宗澤自豪拍打戲宣揚香港特色 《執法者們》「菠菜CP」慘情結局觀眾淚崩
更新時間：15:45 2025-05-30 HKT
發佈時間：15:45 2025-05-30 HKT
發佈時間：15:45 2025-05-30 HKT
字體大小
邵氏與優酷聯合出品之新劇《執法者們》在內地已播出大結局，一眾劇迷紛紛表示不捨，其中最令人虐心的可算是「菠菜CP」黃宗澤（Bosco）與蔡潔之一段感情。Bosco兩段喊戲令人十分揪心，粉絲賠上眼淚，兩人自言拍攝這幾場重要感情戲下了好多苦功，幸好出來效果良好，自覺一切都是值得的。
黃宗澤喊戲出色
《執法者們》集合一眾好戲之人，尤其是三位視帝Bosco、馬國明與陳豪首次合作之火花，令新劇在內地之播放率超越三億，對於新劇成績理想，Bosco說︰「有好收視，好反應，真係好開心。」提到「菠菜CP」受歡迎，他的喊戲被讚演繹恰到好處，Bosco認為編審幫助很大︰「真係多得編審，寫劇本好有畫面，我一睇劇本已經眼濕濕，而臨場跟導演同老婆蔡潔排練時，加咗好多功課落去，令成件事好完整，出嚟效果好好，唔係happy ending，畀到觀眾好多畫面同感情。」
全劇有九成的打戲都由Bosco發揮，Bosco忍不住稱拍得好辛苦，問他寧願拍打戲還是喊戲？「計舒服就梗係感情戲，打戲、槍戰同追逐戲同樣難度高，要視乎武指如何設計，效果好的話，拍得辛苦無所謂，拍動作戲一向係香港拿手，我都鍾意拍到好有香港特色嘅劇。」
黃宗澤與蔡潔第8次合作仍有火花
至於蔡潔都有睇返所有片段，都被感動︰「睇到片段令拍攝時所有回憶都返晒嚟，同Bosco呢幾場感情戲，係我角色在最重要戲份，拍攝前同Bosco度咗好多細節，好開心出到嚟觀眾都有發現，亦都好喜歡，呢啲對演員嚟講係有好大滿足感。Bosco喺嗰幾場戲真係做得好好，好有感染力，可以帶動對手，而我只係負責搞喊佢，將佢唔捨得老婆嘅心情放到最大，我哋合作咗咁多次，好希望觀眾睇到我哋同《法證先鋒V》時候好唔同。」這次是兩人第8次合作，觀眾仍然好受落，期望「菠菜CP」可以再一次合作。
