放先人骨灰入迷你倉拒交租！時昌迷你倉發現兩骨灰龕 租客欠租3個月 最後處理手法惹熱議｜Juicy叮
發佈時間：13:08 2025-06-02 HKT
時昌迷你倉有租客拖租3個月，店方在清倉時竟發現倉內有兩個骨灰盅，內有骨灰，時昌迷你倉老闆時景恒（Kevin Shee）昨日（1日）在社交平台，分享這奇遇表示，當時「我哋唔敢亂郁」，最後花了9個月時間四出張羅聯絡，「希望有人嚟認領」。
但最終無人認領，店方曾聯絡政府，但「政府幫唔到」，時景恒透露最後他們的處理方法，詳情如下：
放先人骨灰入迷你倉拒交租！時昌迷你倉發現兩骨灰龕 租客欠租3個月 最後處理手法惹熱議↓↓↓↓
時昌迷你倉老闆時景恒（Kevin Shee）昨日（1日）在其個人社交平台Threads發帖，他分享「做迷你倉咁耐，最誇張一次」經歷，就是在「清倉時發現兩個骨灰盅」。
他在帖文中表示，該倉租客已經拖租3個月，「理論上可以即刻清，但見到骨灰，我哋唔敢亂郁，反而花9個月時間聯絡政府、搵租客、登報等。」
他們不收取這9個月的倉租，希望最終可以「有人嚟認領」該兩個骨灰盅。但是結果亦無人來認領，該租客亦沒有再回來，店方有聯絡政府但「政府幫唔到」，他們最後「唯有出錢幫佢哋海葬，連儀式都做齊，成件事用咗接近一萬蚊」。
時景恒最後在帖文中說：「放啲先人入迷你倉仲要唔交租 #古怪隨時」。
網民憂引發糾紛：人哋可以反咬你？
有網民留言指店方將有關骨灰海葬「貌似又講唔通」：「人哋冇打算海葬點算？可以反咬你喔。」該網民又指店方做法「極易引發嚴重糾紛甚至訴訟」。
另有網民表示：「幫海葬好似做得有點多。」「件事有冇經部門批准？骨灰係特殊物品。」
時景恒：合同上只要冇交租，所有物件係destroy
時景恒則留言回應說：「合同上只要冇交租，所有物件係destroy，佢簽咗名，即係同意咗。」
部分網民亦力撐店方做儀式幫骨灰海葬的做法：「咁點？放你屋企好唔好？」「人哋好心做多D，又畀你話做多咗。」
網民大讚店方：大功德，多謝你一切善意！
網民亦大讚店方做法是「大功德」：「當做功德，好人有好報」，「多謝你一切善意，祝你都遇到同樣的好人好事。」「好心有好報，雖然真係唔應該擺呢種地方。」有網民又估計兩個骨灰盅無人認領，「可能放係度嗰位都過身，所以無處理到。」
有網民亦驚訝：「原來開迷你倉都咁多嘢煩。」「都幾驚嚇，啲客放咩真係好難控制，慶幸係骨灰，唔係白粉。」「你應該慶幸迷你倉無兇宅呢一回事。」
同場加映：拜山男女大鬧葵涌靈灰閣 威嚇喪罵七旬清潔工：「總之我以後唔想見到呢個人喺度出現！」↓↓↓↓
