林峯一連七晚假紅館舉行《GO WITH THE FLOW 林峯演唱會LF LIVE IN HONG KONG 2025》第六場嘉賓是張敬軒。

林峯演唱會2025丨張敬軒爆曾半夜上林峯屋企台上加送特製「軒公活絡油」古天樂現身尾場拜神疑做壓軸嘉賓

更新時間：15:45 2025-05-28 HKT
發佈時間：15:45 2025-05-28 HKT

林峯一連七晚假紅館舉行《GO WITH THE FLOW 林峯演唱會LF LIVE IN HONG KONG 2025》第六場嘉賓是張敬軒，台下嘉賓席同樣精彩，包括伍允龍、VIVA、陳柏宇、林奕匡、何超雲等等，星光熠熠。

軒公稱林峯做前輩

張敬軒今晚於林峯個唱驚喜登場，兩人合唱《馴獸師之王》，全場觀眾即興奮尖叫。合唱完之後，林峯指大家應該不清楚他與軒仔的熟落程度，軒仔稱：「我同阿峯第一個交集，就係佢係我前輩。」現場立刻大笑，軒仔再爆料：「我應該係少數…講唔講得㗎？半夜上過你屋企嘅人。」

軒仔爆阿峯一早已鍾意玩凳

兩人同屬前公司藝人，早於十多年前結緣，軒仔笑指阿峯當年已鍾意玩凳，阿峯解釋只是鍾情傢俬，軒仔又表示近日睇完阿峯演唱會報道卻心有餘悸：「我以前上你屋企坐過你啲凳，你喺啲凳度做過啲乜？」阿峯直認家中凳的確比梳化多。經搞笑一輪，自認後輩的軒仔向阿峯突然送禮，先是送上「林峯嘅腰封」，之後更拿出為阿峯特別調製的「軒公活絡油」，林峯立即向軒仔贈送一支「飛鷹」回禮，原來軒仔病了幾天仍堅持到場撐阿峯，今次更唱出代表作《櫻花樹下》贏盡掌聲。