韋帕颱風｜打風前多區超市菜架提前一掃光 大埔街坊爆師奶誇張買菜戰績 網民冷靜分析唔使搶原因｜Juicy叮
發佈時間：11:01 2025-07-19 HKT
颱風「韋帕」來勢洶洶，不少市民按傳統開啟打風儲糧模式，打大風前多區超市的菜架於昨日（18日）晚上已提前一掃光，其中有大埔街坊更目睹師奶的誇張買菜實況。不過，有網民則冷靜地分析今時今日根本毋須搶菜的原因。詳情見下圖及下文：
打風前多區超市菜架提前一掃光逐張睇↓↓↓↓
樓主：香港打風真係唔會餓死
有匿名樓主昨晚8時左右在facebook群組「大埔 TAI PO」，上載超市菜架貨物零落的相片發帖，指「其實香港打風真係唔會餓死㗎，可唔可以唔好咁癲呀？見到啲人成車成車咁樣買，唔知以為呢個風球維持10日」。樓主並在回應欄補充「根本唔需要搶，打嗰一日風，屋企點都有嘢食」、「超市其實每一日都有菜返」。
相關閱讀：韋帕颱風︱天文台下午2時20分改掛三號風球 將評估明日初是否發八號風球｜持續更新
相關閱讀：韋帕颱風．交通消息｜港鐵：8號風球服務大致正常 9號風球露天段停駛 即睇受影響重鐵路段
網民：見到有個師奶買咗十幾包菜
不少回應的網民也有同感，指「食少日菜使死咩？」、「樓下街市8號都照價賣」、「我見到有個師奶買咗十幾包菜」。「我頭先喺超市連蔥都無條，全吉」。有人更上載相片和應「我6點前到，仲有一條蔥」。
有網民更加笑稱「香港打風就成個月。要買定一個月貨」，並「證明香港人好幸福，未見過真正嘅災難」、「你返工望打風放假，班啊太就望打風掃貨」。還有人表示：
•買3、4斤都可以理解，頂一兩日，但一到打風啲人就特別鍾意食菜，十幾斤咁掃返屋企，擺到爛都未食得晒。
•由阿媽嗰個年代，證明香港人幾十年都無變過！以前真係全港停市，但依家8號都有火車啦！！大佬！打風啫，唔係打仗呀！！
相關閱讀：颱風摩羯｜大埔街坊以呢個「打風價」 掃走7公斤蔬菜 網民譁然：點可能！
網民分析：執輸行頭慘過敗家
有網民更加細心地分析這種囤菜心態——「執輸行頭慘過敗家，個個都怕蝕底，如果唔係啲老千點解仲生存到啫，就係咁嘅原因」。
不過，也有人有備無患、未雨綢繆，指「香港地幾十年都係咁」、「今日（18日）啲菜清得特別快」、「打風冇菜賣，唔買定咁邊度有菜食呀」、「可能屋企多人食飯；同埋打完風，啲菜唔靚又會貴少少」、「正常吖～ 例如我家一餐最少1斤菜，買3餐就3斤啦⋯⋯家家買幾斤，好快清倉」。
在網上其他facebook群組和社交平台Threads，也有不少網民上載不同超市菜架空空如也的相片：留言「打風前必見嘅經典場面」、「啲人係咪黐線，驚死冇得食!#香港打風」、「要振興香港經濟其實好簡單，天文台掛多幾次打風咪多囉，咁早就搶購一空」。
資料來源：facebook群組「大埔 TAI PO」、Caleb Au＠facebook群組「將軍澳主場」 、makchm＠Threads、davidfitness812＠Threads
相關閱讀：颱風蘇拉︱網民一人一張打風餐靚相 煲仔飯花膠雞 食譜級美拍睇到流口水↓↓↓↓
時代不同，打風餐不僅是罐頭幾味，還可以是打邊爐、煲仔飯、花膠雞湯、牛肉豆腐鍋、泡菜鍋、鮑魚肥牛麵、煎蝦碌......
2023年颱風「蘇拉」襲港前夕，市民搶糧掃光貨架，當年的年9月1日是收成期，在打了一天大風下仍能弄出一頓豐盛晚餐，也有人動用家中儲備醫肚，並晒出令人流口水的食譜級打風晚餐美拍↓↓↓↓
