12怪盜丨姜濤謝票後回應粉絲衝突事件 : 我同Anson Lo都好苦惱
發佈時間：22:15 2024-04-22
MIRROR美加巡唱圓滿結束後，12子日前返港獲大批鏡粉（粉絲暱稱）接機，惟有指當時有姜糖（姜濤粉絲）和神徒（Anson Lo粉絲）一言不合大打出手。12子返港隨即繼續宣傳《12怪盜》，今日姜濤和Anson Lo分頭謝票，姜濤孖Jer一組、Anson Lo孖Jeremy一組，兩幫粉絲未有機會再碰頭，現場氣氛良好，未再提及爭執事件。晚上姜濤和Anson Lo歌迷會也有分別包場，兩人繼續謝票，吸引大批鏡粉到場。而在謝票後，姜濤亦對於近日Fans之間不快事件，作出回應道：「呢一兩日不停了解整件事件嘅經過，發現網上都流傳咗唔同嘅版本，不過無論點樣都好，事件已經發生咗，我淨係希望大家可以安全快樂去支持我哋，唔好有任何爭執或者碰撞，呢個係我哋最唔想見到。我同Anson Lo 都有傾過，我哋都覺得好苦惱，唔知點樣做，呢件事發生咗唔只一、兩次，但好似一直都冇辦法解決，冇諗過一件Suppose開心嘅事情，會變成咁樣。因為每次見到我哋嘅支持者，不論係Fans或任何人，大家不論支持我哋MIRROR或是任何一個，我哋都係咁開心，因為真係一種鼓勵，所以希望以後每次見面，都可以係愉快、平安、安心地去進行。」
今日姜濤孖Jer一組謝票期間，不少姜糖對本月30生日的姜濤講生日快樂，姜濤多謝大家又笑指自己仍是24歲，有姜糖高呼叫姜濤：「笑一笑世界更美妙！」有粉絲問到若做Boss會委派兄弟做甚麼任務？Jer笑言要去沙灘做救生員，姜濤即反問是否要除衫？Jer又以「12光豬」作形容，粉絲聞言興奮大叫「正呀！」
12子今次在片中有不少動作場面，有不少鏡粉想睹偶像即場示範武打動作，Anson Lo孖Jeremy謝票時，Anson Lo應神徒要求即場示範片中武功，與Jeremy大玩慢動作重演對打，Anson Lo坦言想再挑戰拍打戲、下次會做好些，粉絲即大讚叻仔。有神徒趁機向Anson Lo講會照顧好自己、叫他不需擔心，並問他最想聽誰人心聲？他想了很久仍表示最想聽神徒心聲，身旁Jeremy即場對他派心心講「I Love U」，搞笑地要求他也要大聲講「I Love U」，他即時答應，同時感謝全場神徒表示辛苦大家，冧得全場尖叫。
《星島申訴王》已推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
