一舞傾城丨文凱玲過檔狂呻：擘開對髀都冇人要姚子羚一舉動揭穿真實身份

更新時間：23:05 2023-06-08
發佈時間：23:05 2023-06-08

TVB劇《一舞傾城》下周二播出大結局，來到最後結局篇，劇情亦愈來愈緊張。昨晚一集「麻鷹」李嘉在警方追捕時成功逃脫，今晚第19集李嘉原來獲得「魚旦媽」莊思敏收留，不過「俊駒」高鈞賢執導的電影卻因李嘉走佬，工作人員拍冇糧出而不肯補拍，「KK」陳星妤更因籌錢拍戲而與「Marco」關楚耀重新聯絡。

【點擊睇《一舞傾城》今晚劇情】：

上集有新夜總會開張，雖然惡侍舞小姐的「巢輝」被解偏，但莊思敏依然決定帶舞小姐過檔，更落足嘴頭𠱁「沙律媽」陳法蓉旗下的舞小姐一齊走人。坐足凍板櫈多年的「Money」文凱玲決定跟莊思敏過檔，不過一返到屋企就跟「Monica」蔡潔鬧大交，蔡潔直指對方：「過到去會畀人玩死。」不過文凱玲心意已決，更發爛乍說：「我又唱歌又跳舞，落足力啲客先肯畀我埋枱坐。而家有人賞識，做姊妹唔係應該戥我開心咩？你有冇諗過，如果你成日畀人笑晚晚坐冷板，擘開對髀都冇人要，你會有咩感覺？」最後炒大鑊收場，不過陳法蓉就對文凱玲予以支持。

另一方面，姚子羚亦宣佈辭職，而「青龍」唐文龍則帶陳法蓉去補拍婚紗照，更表示要補辦婚宴。一班好姊妹在陳法蓉家中慶祝，不過正在準備期間，「屠伯」鄭恕峰派刀手斬殺唐文龍等人，唐文龍與楊明以一檔十，不過最後楊明身陷險景，蔡潔以身擋刀，而此時姚子羚竟拿起手槍，命中前來斬人的刀手，眾人都咁到相當震驚，姚子羚的真實身份亦被拆穿。

【其他閱讀】：

東張西望丨區永權以苦主身份報《東張》採訪時再現高空擲物：入少少，我真係驚

高鈞賢億萬緋聞舊愛力捧做亞視主持家住獨立屋兩度選美惜亞姐五強止步

佘詩曼去長洲拍劇歎海鮮發文被捉錯處？網民讚可愛：新聞女王報錯料

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ