何傲兒失踪三個月驚爆患上面癱 中西合壁治療擔心康復情況不理想

更新時間:20:00 2023-06-06
發佈時間:20:00 2023-06-06

34歲前港姐何天兒(原名何傲兒)近年北上發展積極做網紅,不時在社交平台分享扮靚心得,但最近突然銷聲匿跡,今日她終於現身社交平台交代失踪原因,原來她突然患上面癱,在中西合璧的治療下,用了3個半月的時間,終於完全好起來,回復昔日美貌!
 

【相關文章】:何傲兒家姐何傲芝結婚嫁「帝皇翡翠」太子爺身家豐厚  沈卓盈林盛斌現身婚宴星光熠熠

【點擊睇何天兒分享面癱經過】:

何天兒拍了一段長達3分鐘的的短片,分享患病經過:「其實就係你嘅第7條1交义神經線出現咗問題,而導致你嘅面部肌肉唔識郁。」片中所見,何天兒的右邊面發病經過亦相當嚴重,眼睛突然沒完全不會眨:「鼻哥窿嘅肌肉都唔識得收縮,連笑嘅時候,咀角都係唔識得郁。」

原來在面癱前,她的身體曾經出現了這些警號:「第一日食早餐嘅時候,條脷好似有層膜包住,味覺弱咗。到咗第二日就出現右邊後腦位置出現頭痛,呢個情況出現咗幾日,我都有試過拉筋,但係情況都冇改善。到咗第三日出現嘅隻眼,眨眼嘅感覺同時捽眼係唔同,不過因為有工作,所以諗住第二日先去睇眼科。」

殊不知到了第四日就出了事,何天兒說:「上唇完全麻咗,但係味覺依然係有,不過我做完嘢就有啲怕,飲紙包豆漿嘅時候,竟然要打斜飲!」何天兒立即找中醫師:「佢叫我試吓個一個動作,但係出現漏氣情況,之後即刻做針灸同食藥,夜晚就去睇西醫。」服用了抗敏藥和14日高劑量類固醇後,所有病徵狀都出現了:「醫生話如果想知原因,抽骨髓係其中一個方法,我梗係唔會喇,中醫就問之前係受咗涼,當然仲可能因壓力太大,影響咗你嘅免疫力,而導致免疫系統出現問題,神經系統受損,就會出現面癱。」

何天兒又稱幸好目前已經康復:「其實嗰陣都好擔心,因為身邊有啲經歷過面癱嘅朋友,試過好番之後,隻眼會一邊『dup』咗喇,又或者有啲表情紋係不一致,甚至有啲可能因為太遲去治療,令到康復情況唔係太理想。我自己都算好好彩,好番之後都冇乜後遺症,可以叫做好番晒!」

【其他文章】:

湯怡晒水着靚相竟被人手打格 麥秋成「自私行為」辣㷫網民

54歲陳寶轅「舞王」上身孖索女晒舞技 佬味極濃同張耀揚撞樣

林作被炒|記者會3400呎複式豪宅室內面貌逐格睇 巨廳坐到15人飯廳仲分中西式

《星島頭條》APP經已推出最新版本,請立即更新,瀏覽更精彩內容:https://bit.ly/3yLrgYZ