荷里活廣場兇案|林作抽水被炒魷召開記者會 稱如冒犯死者家屬會致歉

更新時間:17:51 2023-06-05
發佈時間:17:51 2023-06-05

鑽石山荷里活廣場日前發生駭人命案,自稱「香港抽水王」的林作在IG分享一張模仿疑犯裝束及身穿同款波鞋的照片,更標榜「逃跑一流」,引起全城圍剿,更抽水抽出禍。其後林作任職的保險公司發表聲明,決定與林作終止合約,林作昨晚至今日凌晨在社交網瘋狂張貼客戶的支持訊息,揚言就被公司解僱一事保留法律追究權利,宣布今日下午6時在其半山寓所舉行記招。

【18:02】林作現身先讓現場傳媒拍照,與其代表律師范律師現身。

林作現身先讓傳媒拍照。
林作現身先讓傳媒拍照。

【18:03】林作先以三點解釋:「第一,喺目前情況下,有好多客戶都唔會受影響。目前團隊仍在公司工作;第二,有新聞報道指團隊割席,並非正確,係我要求佢哋唔會離開自己崗位;第三,有非常多客戶自發地向前公司,作出投訴』林作指客戶要求解釋「點解將客戶利益擺喺客戶之下」,更表示網民使用「極端性字眼」。

【18:07】林作表示不同意「前公司」講法,並表示保留所有法律權利。

【18:08】林作指過往已經多次不同程度抽水,當時並未指違反「社交媒體守則」,認為今次事件值得商確。林作:「話同公司背道而馳,咁嘅罵名,我認為恕不能接受!呢個係公司不尋常舉動,我作為一個無名小卒都要保護自己。話我價值觀同公司背道而馳,係好嚴重嘅指控,嚴重影響我將來嘅工作可能性。」

【18:12】林作指沒有向公司道歉意願。林作表示是「不自願地離職」:「預告嚟緊絕對有進一步行動。」

【18:14】林作:「如果我嘅說話影響到兩位死者家人,我絕對會道歉。唔用RIP三隻字,唔代表我冇同情心、冇同理心。」並指自己是玩「黑色幽默」。

林作表示如冒犯到死者家人會道歉。
林作表示如冒犯到死者家人會道歉。

【18:17】林作認為現時香港人面對恐懼,表示要面對,不應該逃避:「我絕對冇冒犯過死者家屬,我見唔到我對死者家屬不敬。」林作指是傳媒人教他刪post。

【18:19】林作指自己今個月經常抽水,認為不能阻止他發表自己的看法,事件最不忿:「好多人知我真實係點,網上只係人設,但係呢件事上係向卑鄙無恥網民低頭。」

【18:21】被問到是否不合理解僱,林作指保留一切法律追究權利。

【18:24】林作表示目前現時情況「水漲船高」,更有不少保險業界內外人士邀請合作:「有危就有機,一啲都唔擔心。」林作指自己昨晚瞓得好好,因為得到很多支持。

【18:27】林作表示開玩笑與事本身無關係:「攻擊我仲多過個殺手,關注我言論係崎型嘅社會現象。我見到網民攻擊程度,勁過其他施展暴力嘅人,係好恐怖。」林作表示近日媽咪及女友裕美都飽受攻擊:「網民變態程度超越正常人。你話要殺我全家、殺我阿媽就有問題。」

【18:30】林作解釋抽水並非有攻擊性:「好似我講嘢罪大惡極,如果我話『殺人好玩。』呢個就係犯罪。我認為今次言行唔應該構成公司同網民嘅過激反應。」林作指今次言論並無對錯,直指是「唔合理嘅反應」。

林作認為要保障言論自由:「自己唔應該道歉。」
林作認為要保障言論自由:「自己唔應該道歉。」

【18:34】林作認為:「自己唔應該道歉。」不過之後會作出檢討。林作:「大家見唔到我私下係有愛心、有同理心嘅人,唔明點解就呢件事就覺得我係一個衰人。」

【18:40】林作表示自己冇生兒育女打算。

【18:41】被問到舊愛麥明詩按又收返:「我唔知佢做乜,無謂猜測,冇乜特別諗法。」又指自己無為任何言論後悔。林作又稱得到支持者「滿滿的愛」。

【18:42】林作向家屬:「我認為香港社會壓力,可能做就咗一批精神有問題嘅人。」並表示希望令政府正視精神病人問題,對社會有正面影響,杜絕同類型事件再次發生。

【18:44】林作記者會完結。

 

【相關閱讀】

荷里活廣場兇案丨林作媽開腔回應愛子被炒:講錯少少嘢啫 收租夠做一世二世祖

荷里活廣場兇案|林作抽水遭炒魷一文睇清網民精警留言  狂寸正職係「兒子」

荷里活廣場兇案|一文睇清林作抽水被炒時間線!連發多Post自認多支持者揚言堅拒道歉

 

【點擊睇林作抽水惹禍時間線】:

【相關閱讀】

荷里活廣場兇案丨麥明詩畀Like贈興舊愛林作被炒  網上瘋傳即彈弓手取消

荷里活廣場兇案|林作抽水惹禍 親證被保誠解僱:公司冇講原因,我未知方向

荷里活廣場兇案|林作抽水後刪post否認淆底  死撐是高人教的

荷里活廣場兇案丨林作瘋狂貼支持者留言漠視反對聲音 「最強下線」不跟隨前度上司

 

《星島頭條》APP經已推出最新版本,請立即更新,瀏覽更精彩內容:https://bit.ly/3yLrgYZ