裁決指水密門「可有可無」 遇難者家屬極失望
發佈時間：03:00 2026-01-23 HKT
死難者家屬庭外異口同聲對裁決感到「極度失望、極度不滿」，對於周官裁決指水密門可有可無，家屬猛烈抨擊「有個水密門喺度佢一定唔會118秒咁快就沉咗落去……我唔明白一個以法律為專業嘅法官，憑乜嘢可以去否定唔同party請返來嘅專家嘅意見呢？」周官認為年檢核對圖則建議「不切實際」，家屬慨歎安全何價，「我想問39條人命係咪就係換來呢4隻字呢」，更直言「畀個咁嘅答案我，我覺得我有愧於死者」。
「我覺得我有愧於死者」
死難者家屬梁淑玲說明南丫四號設計圖則上有水密門，多方專家均指如裝有水密門，南丫四號不會迅速沉沒。然而周官如今竟然指「隻門係可有可無」，另一位家屬徐志盛批評「有個水密門佢一定唔會118秒咁快就沉咗落去……我唔明白一個以法律為專業嘅法官，憑乜嘢可以去否定唔同party請返來嘅專家意見呢？」
周官指，海事處每一年都要驗大量船隻，認為年檢要對照圖則建議「不切實際」。梁淑玲回應稱「揸車都要年檢啦」，「我哋嘅13年係想問究竟邊一個人係應該對件事負上責任，到頭來係換咗呢4隻字『不切實際』，所以係好嬲嘅一件事情」，反問「我要體恤所有嘅海事處人員，邊個體恤家屬呀？」徐志盛指，死因庭裁決不止要向家屬交代，還要釋除公眾疑慮。事件中死裏逃生的趙炳全則於心中叩問安全何價，「我想問39條人命係咪就係換來呢4隻字呢⋯⋯」。
經過2日裁決，梁淑玲坦言「唔係好理解究竟我應該問邊個嘅責任……無人答到我」。梁淑玲本來期望「可以喺佢哋面前講畀佢聽，我行咗13年，我終於今日可以停落來喇」，豈料「畀個咁嘅答案我，我覺得我有愧於死者」。梁淑玲未來會再與律師團隊商討後續行動，相信一眾家屬亦不會放棄。
梁淑玲明白追查真相一年比一年困難，「唔希望香港再有慘劇嘅發生，但如果真係有慘劇發生呢，係唔好拖延，盡快去搵個真相，香港先至可以move on、先至可以進步。」
政府尊重裁決將研究跟進
政府發言人表示尊重死因庭裁決，並會仔細研究和認真跟進判辭，同時向死者家屬致以最深切的慰問。事故發生以來，政府對事故進行了兩項調查，包括由根據《調查委員會條例》成立的事故調查委員會所作的調查和由前運輸及房屋局領導進行的內部調查，以及接納了各項調查的專家報告。
至於涉事海事處職員的責任，前運輸及房屋局已於2014年4月把內部調查報告（運房局報告）轉交公務員事務局跟進，公務員事務局已按前運房局報告的建議和律政司的相關法律意見，根據紀律程序採取行動並完成跟進相關個案。
港燈表示尊重法庭裁決，交代已按2013年調查委員會建議全面檢討，並落實驗收新船等多方面的安全及船隊管理措施。
