死者母：男友虐待親女疑為報仇
發佈時間：03:00 2025-02-22 HKT
37歲送貨員因淋潑通渠水令坐月女友多處燒傷而入獄，出獄後疑「為了報仇」與女友同居並連番虐待3歲女兒，如扭耳仔、「篤到瘀晒」。他涉嫌多番猛烈搖晃女兒致其腦出血死亡，他否認謀殺罪受審。女友昨於高等法院自言她成長於單親家庭，不欲女兒雅思重蹈覆轍才長留被告身邊，但「而家好後悔喇，（雅思）無（爸爸）咪無囉，而家寧願（雅思）無（爸爸）都唔想無咗雅思」。女友又指被告「覺得我令佢入咗去成年坐冤枉監」，自己亦努力逾年才能接回雅思，然而被告仍懷疑自己有染，批評「佢真係無人性！」
被告案發時的女友、死者梁雅思的母親梁小欣昨續以視像方式作供，她憶述7月7日當日與被告爭執，被告質疑她有染，「（坐監）未出來嘅時候（梁小欣）帶男人返來」，又教導雅思說梁小欣「帶男人返屋企」。梁小欣覺得2人言語過分，無中生有，不尊重自己，遂打了雅思嘴巴兩下。
「覺得我令佢坐冤枉監」
庭上播放兩人語音訊息，被告叫梁小欣不要再來電，梁小欣回應指「唔止一百個（男人），一千一萬個呀全部上來呀⋯⋯咁你咪報警囉，你覺得你日日打個女嗰啲唔係嘢嘅，身又爛頭又爛，周身傷⋯⋯教到個女唔使理阿媽感受⋯⋯你自己係咁日日打人嗰啲就唔講，單獨喺上面打完個女，然後話我打呀」，被告回應「等你知道畀你最愛嘅人搵差人拉你嘅感覺好唔好受」、「（雅思）畀你抓損嗰度實搵到你指甲」。梁小欣便回覆指她恍然大悟，認為「返來係為咗報仇啫」，被告其後聲稱他已報警，又稱「我忍屎忍尿終於忍到呢一日喇」。
梁小欣解釋所謂「日日打人」，意指被告經常懲罰雅思，包括「扭耳仔、嗷佢⋯⋯篤到瘀晒、搖佢呀⋯⋯（手臂、腋下）損晒瘀晒，無忽好肉」。至於上述「報仇」，梁小欣解釋意指2017年被告向自己淋通渠水，事後警察拘捕被告，「佢覺得我令佢入咗去成年坐冤枉監」。梁小欣抱怨被告出獄前約一年間，自己努力準時出席不同親子活動、保持驗尿結果正常、尋覓適當的住所、通過社工多次檢查。
梁小欣續指，其父親見狀不滿被告，認為梁小欣「畀咗咁多機會佢，搞到（梁小欣）面目全非喇」，一怒之下衝上深水埗居所與被告對罵，最終報警處理，趕走被告。其後梁小欣哄被告數日，指「個樣搞成咁，仲可以有咩人呀，你可唔可以尊重吓我呀」，被告後來若無其事和好如初。
不欲女兒成長於單親家庭
梁小欣提到案發前8日，曾發送一張被告在囚時，兩母女所撰的愛心卡予被告，望提醒被告昔日情誼，又拍下3隻玩偶予被告，玩偶身上分別印有3人生日日期。梁小欣至今隨身攜帶玩偶，感慨指自己成長於單親家庭，因此不欲雅思重蹈覆轍，才長留被告身邊，但「而家好後悔喇，無（爸爸）咪無囉，而家寧願無都唔想無咗雅思」。
案件編號：HCCC61/2022
