袁詠儀 嘲仔仔「魔童」 冇入行天份
發佈時間：03:00 2026-06-23 HKT
兩代金像影后袁詠儀（靚靚）與余香凝首度大銀幕合作，合演電影《慾望寄生》昨日舉行拜神儀式，同片還有視后李佳芯（Ali）、狄龍、米雪、盧鎮業、關嘉敏等，吸引大批街坊圍觀。同樣為人母的靚靚與余香凝，不時傾子女經，靚靚笑言看不到兒子「魔童」有入行的天份，又指老公張智霖同兒子感情好到似兄弟，可以幫她套話。
靚靚上次拍港產片已是7年前的《家和萬事驚》，問到今次怎被《慾》導演吳家偉打動？她指導演有誠意又充滿熱情，當時對方講了一個想拍的故事，她聽完覺得幾好玩，叫他先寫出來，笑言最重要導演無放棄她，寫好後還問她想和誰合作，幾個名字任她揀，她認為余香凝是這一代女演員最值得合作的，覺得很適合角色。
余香凝笑言開工望住靚靚已經好開心，和女神合作是最大收穫，一起做資料搜集、很快便熟絡，又自爆有少少壓力，第一日見面不知是否該叫「靚靚姐」，最後選擇叫「靚靚」。兩人又透露會傾子女話題，靚靚叮囑余香凝要把握時間和小朋友玩，笑指兒子張慕童（魔童）已大個，但她沒不捨得，又指兒子沒打算入行，亦沒看到兒子的天份，不知他是怕醜還是不喜歡這行，但兒子鍾意唱歌作曲。父親節剛過去，靚靚透露家人吃飯慶祝，兒子返港放暑假很多行程，食飯見面已滿足，又指兒子和張智霖似兩兄弟，甚麼都傾，可以傾足幾小時，自己亦不怕兒子偏愛爸爸，「老公可以幫我套他話！」
余香凝對於年僅廿多歲的主持人施可瑩因卵巢癌離世，她哽咽表示由《死屍死時四十四》、《白日之下》到《雙囍》，對方都主持過多場謝票場，為大家帶來好多正能量，對其離世大感惋惜。
Ali自認未夠班
Ali透露片中做自己，角色神經質、怪怪地，開工兩日已拍完大部分戲分，一開工就盤問靚靚和余香凝兩位影后，第一日拍就看她們拍喊戲，即場幾秒鐘落淚，令自己獲益良多，自嘲未到級數跟兩人討論演技。此外，她又透露正在收港版《悠長假期》分場劇本，預計9月開工，會比拍電影少些壓力，有指之前簽下不少片約，她則稱仍在傾談。
