伍詠薇拒透露欺凌楊思琦兇手

更新時間：03:00 2026-06-02 HKT
發佈時間：03:00 2026-06-02 HKT

伍詠薇、李凱賢主持的《九運會客室》早前因請來楊思琦分享早年被欺凌的事件而成為熱話，節目組預告即將開拍第二季，望年內開工。伍詠薇坦言未想過楊思琦的訪問成為話題，她曾與對方兩度合作，大讚準時、合作得好舒服，「我哋係分享形式，我係估唔到有咁大嘅迴響，『邊個邊個、誰是兇手』嗰啲遊戲，我就無玩呢一樣嘢、無諗過呢一樣嘢嘅。如果你問我係咪邊個？我係唔會答。因為我同思琦妹都覺得因為節目嗰度講開呢個話題，就講開呢件事，而且真人真事嚟，佢都知我哋會傾呢件事。」伍詠薇今次與李凱賢合作，認為上下把位有化學作用，又指邀請嘉賓時曾被拒絕，「有啲朋友會打嚟話想上我嘅節目！𠵱家訪問中女有返咁上下年紀啦，以前點樣捱呀，去到𠵱家點樣成功，我希望好多香港嘅女人見到『原來我都可以做我想做嘅嘢喎！』Just do it！」