方力申寶貝女搶閘出世爆太太葉萱想生夠三個
發佈時間：03:00 2025-12-13 HKT
方力申在今年父親節公布太太葉萱（Maple）懷孕的喜訊，日前兩公婆才剛剛分享了一張孕照，想不到昨日就宣布女兒Isla已經出世。小方除了在社交網曝光太太入醫院待產的影片外，更大方晒一家三口的首張甜蜜全家福，更爆太太表示可以生三個！
方力申今年情人節無預警宣布和圈外女友葉萱在美國結婚，並於父親節公開二人榮升父母的喜訊，而日前才剛剛影完幸福大肚照，怎知昨日就再有喜訊公布，原來太太葉萱在預產期前提早誕下女兒，母女平安，小方在社交網分享太太入醫院待產的影片，他表示見證太太產子的過程，感到媽媽真的非常偉大，自己只能在旁陪伴和幫忙剪臍帶，當葉萱抱到剛出生的女兒時更忍不住激動落淚，身邊的小方就溫柔地摸頭安慰。小方透露昨日原本是太太葉萱的預產期，但是女兒Isla卻提早來臨、想見他們，所以在早幾日已經出生，他感謝醫院的專業護理團隊，3A病房和產房的同事，「一直以來超級細心溫柔嘅婦產科醫生Wendy舒醫生，多謝一直照顧Maple同埋鼓勵佢順產，另外仲有幫Maple打咗支佢話都唔算好痛嘅無痛分娩針，令到佢生產非常順利嘅麻醉科Lydia劉醫生，最後仲有我契仔Nico嘅阿叔，兒科醫生Euan蘇醫生，Isla出世嘅時候有少少發燒，蘇醫生叫我哋唔使擔心，並即刻幫Isla處理，當晚佢已經退燒。」
「今日似媽媽 明日似爸爸」
小方難掩初為人父的喜悅，表示自愛女Isla出世至今，樣子每天都有變化，笑她今日似媽媽、明日就似爸爸，覺得非常神奇，又說：「由結婚後Maple話可以生四個，到懷孕期間太辛苦，佢就話最多生兩個，然後依家Isla出世之後，過程得到咁多support，佢就話可以生住三個先。嘻嘻，多謝晒，第四個等我遲啲再爭取，我哋一兩年後再見！」不少圈中人包括張繼聰、謝安琪、容祖兒、袁偉豪、劉浩龍等紛紛送上祝福，謝安琪更表示希望能快些去探望Isla。
