林子祥 獲子女突襲慶生感動落淚
更新時間：03:00 2025-10-14 HKT
發佈時間：03:00 2025-10-14 HKT
發佈時間：03:00 2025-10-14 HKT
字體大小
林子祥（阿Lam）與葉蒨文（Sally）合體舉行演唱會，適逢前晚第四場是阿Lam的78歲生日，瞬間變生日派對，全場為阿Lam賀壽，不但天王群星拍片送祝福，陳奕迅驚喜現身合唱，阿Lam女兒更秘密返港，父女台上相擁抱令阿Lam感動落淚。
當晚唱完《零時十分》的生日環節，Sally問觀眾今晚有誰生日時提到：「我好似識一個人生日⋯⋯」這晚壽星是阿Lam！Sally又爆二人的搞笑對話：「我同佢講Happy birthday，佢竟然問『我今年幾多歲？係咪77？』我話No！It was last year！」惹全場爆笑。
天王群星拍片送祝福
台上大屏幕播出重量級祝賀片段，包括劉德華、郭富城、楊千嬅、李克勤、容祖兒、許冠傑、洪金寶、導演賈樟柯及運動員林丹，粒粒巨星向阿Lam送生日祝福。
正當以為驚喜完，Sally續說：「仲有你識嘅人！」阿Lam兒子林德信和太太抱囡囡林明上台，孫女甜到漏錫錫爺爺。Sally隨即哽咽透露更大驚喜：「個女April啱啱喺美國飛返嚟！」原來阿Lam全不知情，父女相擁令他感動流下男兒淚。切蛋糕時Sally問要不要再唱生日歌，阿Lam搞笑耍手：「唔使啦，咁樣仲點唱歌啊？」最後神來一筆：「最大嘅surprise就係生日我可以放假！我唔使再唱啦係咪？」全場觀眾再次
爆笑。
驚喜更是浪接浪，演唱會尾段，在台下捧場的陳奕迅（Eason）突然上台，與阿Lam、Sally合唱高難度經典歌《數字人生》，Eason唱完也五體投地，甘拜下風，笑問二人：「你哋點做到？」
