Edan公開「感恩宣言」：一世好友

更新時間：03:00 2025-08-19 HKT
發佈時間：03:00 2025-08-19 HKT

呂爵安（Edan）一連三場《EDAN LUI『e to E』 LIVE 2025》演唱會前晚第二場，嘉賓除了「五膠」，更獲MIRROR好兄弟Anson Lo（盧瀚霆）現身台上，「登神」再合體在台上深情對談，Anson Lo大爆今年Edan對他哭了幾次，是見過最多軟弱時候的Edan。Edan大講「感恩宣言」二人會是一世好友。
Edan透露邀Anson Lo擔任個唱嘉賓的原因，坦言對方佔其人生的重要地位，故想要跟對方分享舞台，Edan坦言過去一年發生很多事，想公開感激對方一直在身邊陪伴和支持，「我好感恩入MIRROR識到你。老實講，問我best friend，一定係你，因為我哋真係乜都會講，乜都會分享。」
Anson Lo亦指今年見證Edan最大轉變，更爆他哭過幾次，「今年係你對住我show得最多軟弱、唔開心嘅時候。見你喊過幾次，唔係我向來認識嘅你，所以我覺得今年係好需要我喺側邊陪伴你嘅一年。」Anson Lo更覺得與Edan的身份對調，「出道頭5年，通常係我唔開心、我喊得多，會無啦啦call你出嚟，今年feel到你好大壓力，好多時都處於一個50/50嘅狀態。」Anson Lo更以自己的歌《你都有今日》揶揄Edan：「你都有今日啦！」
Anson Lo不忘鼓勵Edan指他其實比自己所想更堅強，相信在座所有人可以證明他是值得大家愛戴。Edan感激Anson Lo說：「我哋應該會係一生嘅好朋友，相信我哋係可以一路做對方嘅best friend！」演唱會後，Anson Lo在社交網發文稱：「從前你照顧我多，現在請你放心去衝，把你的煩惱和重擔都放在我身上吧，要相信自己你是值得的！My best friend for life。」

↓立即下載星島頭條App↓